តារា Barca រូបនេះ សង្ឃឹមថាបានលត់ Real Madrid ដល់ក្នុងផ្ទះ នាថ្ងៃអាទិត្យនេះ

កីឡា៖ ខ្សែការពារ Alejandro Balde បាននិយាយថា រូបគេសង្ឃឹមថាក្រុម Barcelona នឹងយកឈ្នះ Real Madrid ដូចការប្រកួតលើកមុន ខណៈដែលការប្រកួត El Clasico នឹងធ្វើឡើងនាថ្ងៃទី២៦ខែតុលាឆ្នាំ២០២៥ខាងមុខនេះហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

El Clasico ចាត់ទុកជាការប្រកួតមួយដ៏ស្វិតស្វាញនិងគួរឲ្យចាប់អារម្មណ៍ ក្នុងប្រវត្តិសាស្ត្របាល់ទាត់ ដោយសារវាជាជំនួបរវាងក្រុមយក្សទាំងពីរនៅអេស្ប៉ាញគឺ Real Madrid និង Barcelona ដោយការប្រកួតកាលពីលើកមុននោះ Barcelona បានយកឈ្នះ Real Madrid ៤ ទល់នឹង៣ កាលពីថ្ងៃទី១១ខែឧសភាកន្លងទៅ។

លើកនេះ Real Madrid នឹងបើកទ្វារកីឡដ្ឋាន Santiago Bernabeu ស្វាគមន៍ក្រុម Barcelona ក្នុងជំនួបក្របខណ្ឌ La Liga ហើយទោះកីឡាករ Barcelona រាងរបួសច្រើនមែនតែ Balde បង្ហាញការជឿជាក់ថា៖

"ខ្ញុំពិតជារំភើបនឹងការប្រកួត Clásico នេះណាស់ព្រោះវាជាការប្រកួតដ៏ពិសេស។ ខ្ញុំសង្ឃឹមថាពួកយើងអាចឈ្នះការប្រកួតនេះនិងសង្ឃឹមថាពួកយើងនឹងយកឈ្នះ Real Madrid ម្ដថទៀតនៅ Bernabeu ប៉ុន្តែអ្វីដែលសំខាន់បំផុតគឺអ្នកណាគេអាចយក៣ពិន្ទុបាន។ "