រូបភាពថ្មី កូនស្រី Tom Cruise បង្ហាញភាពស្រស់ស្អាត ត្រូវគេចាប់អារម្មណ៍ លើរឿងនេះ

កម្សាន្ត៖ Suri Cruise ដែលត្រូវបានគេស្គាល់ថា ជាកូនស្រី​របស់ តារាសម្ដែងប្រុស លោក Tom Cruise   ​មើល​ទៅ​ហាក់មានភាពសោកសៅ​ ពេល​នាង​អង្គុយ​លើ​ជណ្ដើរ ហើយ​ត្រូវ​បាន​ម្តាយ​នាង ដែល​ជា​តារា​សម្ដែង Katie Holmes លួងលោម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Suri Cruise ត្រូវបានគេឃើញក្នុងអារម្មណ៍ស្រងូតស្រងាត់ នៅតាមដងផ្លូវនៃទីក្រុងញូវយ៉ក។ នាងអង្គុយឱនក្បាលចុះ ដៃបិទមុខហាក់ដូចជាចង់ទប់អារម្មណ៍។ មិនយូរប៉ុន្មានតារាសម្ដែង Katie Holmes បានមកដល់ ។ ម្តាយ​និង​កូន​ស្រី​ ទាំងពីរនាក់នេះ អង្គុយ​ជជែក​គ្នា​លេង ខណៈ Katie ​ឱន​ក្បាល​ចុះ លើ​ស្មា​កូនស្រី​ដោយ​ក្តី​ស្រលាញ់។

មួយសន្ទុះ Suri ស្ទុះរត់ចូលទៅខាងក្នុង។ ក្រោយ​មក ​ម្តាយ​និង​កូន​ស្រី អ្នកទាំងពីរ ​បាន​ទៅ​ហាង​នំប៉័ង​ជាមួយ​គ្នា​ដើម្បី​ញ៉ាំ​អាហារ​សម្រន់ ។ Suri ហាក់​មាន​អារម្មណ៍​ល្អ​ប្រសើរ​ឡើង​វិញ បន្ទាប់​ពី​ដើរ​លេង​ជាមួយ​ម្ដាយ។

កំឡុងពេលចេញទៅក្រៅ Suri រក្សាភាពកក់ក្តៅក្នុងអាវពណ៌ខៀវ ខោខូវប៊យ និងស្បែកជើងរោមធម្មតា។ Katie Holmes ពាក់អាវយឺតជាមួយខោជើងធំទូលាយ និងស្បែកជើងសំប៉ែត៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាអន្តរជាតិ