តារា Real Madrid រូបនេះ ថាក្រុមគេនឹងយកឈ្នះ Barca ក្នុងដី មុនប៉ះគ្នាថ្ងៃអាទិត្យនេះ

កីឡា៖ អ្នកចាំទី Thibaut Courtois គិតថាក្រុម Real Madrid របស់គេនឹងយកជ័យជម្នះលើក្រុមគូប្រជែង Barcelona ក្នុងការប្រកួត El Clasico ដែលនឹងធ្វើឡើងនាថ្ងៃទី២៦ ខែតុលា ឆ្នាំ២០២៥នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ El Clasico ចាត់ទុកថាជាការប្រកួតដ៏ស្វិតស្វាញនិងគួរឲ្យជក់ចិត្តមួយរវាងក្រុមយក្សនៅអេស្ប៉ាញទាំងពីរគឺ Real Madrid និង Barcelona ដែលមានអ្នកគាំទ្របាល់ទាត់ជាច្រើនរង់ចាំទស្សនា ដែលការប្រកួតនេះជាការប្រកួតក្នុងក្របខណ្ឌ La Liga ។

យ៉ាងណាមិញ បើគិតពីការប្រកួតមុននោះគឺ Barcelona បានយកឈ្នះ Real Madrid ៤ ទល់នឹង ៣ ប៉ុន្តែ Courtois គិតថាលើកនេះ Real Madrid របស់គេនឹងសងសឹក Barcelona ឲ្យបាន។

ថ្លែងក្នុងបទសម្ភាសន៍បន្ទាប់ពីយកឈ្នះលើ Juventus ក្នុងការប្រកួត UCL គឺ Courtois បានទម្លាយថា៖ "ក្រុមទាំងពីរលេងបានល្អដូចគ្នា ដូច្នេះវានឹងក្លាយទៅជាការប្រកួតដ៏អស្ចារ្យមួយ។ បន្ទាប់ពីចាញ់ការប្រកួតជាច្រើនទល់នឹងពួកគេកាលពីឆ្នាំទៅ ឆ្នាំនេះពួកយើងអាចឈ្នះដើម្បីទៅឲ្យកៀកនឹងពួកគេ។ វានឹងក្លាយជាការប្រកួតដ៏អស្ចារ្យមួយ ដូច្នេះពួកយើងគិតថាពួកយើងនឹងឈ្នះ តែក៏មានការគោរពទៅលើពួកគេដែរ។"