តារា Barca រូបនេះពន្លះ Real Madrid ចំៗថាជាក្លិបពូកែខាងលួច ហើយត្អូញ

កីឡា៖ មុនការប្រកួត El Clasico ចូលមកដល់ ខ្សែប្រយុទ្ធវ័យក្មេងដ៏ឆ្នើមប្រចាំក្រុម Barcelona គឺ Lamine Yamal បាននិយាយថា Real Madrid គឺជាក្រុមដែលពូកែខាងលួច និងត្អូញត្អែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ការប្រកួត El Clasico លើកដំបូងគេក្នុងរដូវកាលនេះនឹងមកដល់ នាថ្ងៃទី២៦ខែតុលា ឆ្នាំ២០២៥នេះហើយ ដែលជាជំនួបក្នុងក្របខណ្ឌ La Liga ដែលភាគីលោក Hansi Flick ត្រូវដឹកនាំកូនក្រុមទៅលេងដល់កីឡដ្ឋាន Santiago Bernabeu ។

យ៉ាងណាមិញ បើគិតពីរដូវកាលមុននោះ Barcelona បានបំបាក់ Real Madrid ក្នុងការប្រកួត El Clasico ទាំងបួនលើក ដោយលើកចុងក្រោយ Barca បានយកឈ្នះ Real Madrid ៤ ទល់នឹង៣ ផងដែរ។

Yamal ដែលបានចូលមកផ្ដល់បទសម្ភាសន៍នៅក្នុងកម្មវិធីមួយ បន្ទាប់ពីមានពាក្យចចាមអារ៉ាមលើកឡើងថា អាជ្ញាកណ្ដាលហាក់ចូលខាង Real Madrid នៅក្នុងការប្រកួតសឹងតែទាំងអស់៖

"បាទពិតណាស់ ពួកគេ (Real Madrid) លួចបន្ទាប់មកក៏ត្អូញត្អែជាក្រោយ...នោះជាអ្វីដែលពួកគេធ្វើ។"

ប្រភព៖: sportskeeda