ភរិយា Justin បង្ហាញ គម្រោងមួយនេះ ជាមួយ ស្វាមី

កម្សាន្ត៖ តារាម៉ូដែលស្រី Hailey Bieber បានបង្ហាញពីផែនការរបស់ខ្លួន ក្នុងការមានកូនបន្ថែមទៀតជាមួយស្វាមីរបស់នាង គឺតារាចម្រៀង លោក Justin Bieber បន្ទាប់ពី គូស្វាមីភរិយាមួយគូនេះ បានស្វាគមន៍កូនដំបូងរបស់ពួកគេ កាលពីឆ្នាំមុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាម៉ូដែលស្រី Hailey Bieber បាននិយាយនៅលើផតខាស In Your Dreams With Owen Thiele ដែលបានចាក់ផ្សាយនៅថ្ងៃទី ២៤ ខែតុលា កន្លងទៅនេះ ថា៖ «ខ្ញុំតែងតែដឹងថា ខ្ញុំចង់បានច្រើនជាងមួយ»។ 

នៅពេលដែលពិធីករ Owen Thiele បាននិយាយលេងសើចថា នាងនិងស្វាមីរបស់នាងនឹងមាន «Biebers ប្រាំនាក់រត់លេង» Hailey ញញឹមហើយ ហាក់ដូចជារំភើបចិត្តយ៉ាងខ្លាំងចំពោះគំនិតនេះ។ ទោះជាយ៉ាងណាក៏ដោយ តារាស្រីរូបនេះ បាននិយាយថា នាងមិនប្រញាប់ប្រញាល់ចង់មានកូនបន្ថែមទៀតទេ។

ភរិយារបស់ តារាចម្រៀង លោក Justin Bieber រូបនេះ ក៏បាននិយាយអំពីសុភមង្គលនៃការក្លាយជាម្តាយផងដែរថា «វាពិតជាអស្ចារ្យណាស់។ ខ្ញុំចូលចិត្តធ្វើជាម្តាយ។ ខ្ញុំដឹងតាំងពីក្មេងថា ខ្ញុំចង់បានកូន ហើយស្រមៃថា ខ្លួនខ្ញុំមានគ្រួសារផ្ទាល់ខ្លួន»។

គួររំឭកផងដែរថា Hailey បានរៀបការជាមួយ Justin Bieber ក្នុងឆ្នាំ ២០១៨ ហើយបានសម្រាលកូនដំបូងរបស់នាងឈ្មោះ Jack Blues ក្នុងខែសីហា ឆ្នាំ ២០២៤ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ