ក្រោយឈ្នះ Barca ក្នុងដី Tchouaméni បោះពាក្យឌឺទៅ Yamal ចំៗបែបនេះថា...

កីឡា៖ កាលពីយប់ថ្ងៃទី២៦ខែតុលាកន្លងទៅនេះ ការប្រកួត El Clasico ដ៏ជក់ចិត្តបានធ្វើឡើងនៅឯកីឡដ្ឋាន Santiago Bernabeu ដោយក្នុងនោះ Real Madrid បានយកឈ្នះ Barcelona ២ ទល់នឹង១។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រកួតនេះជាការប្រកួត El Clasico ដំបូងគេក្រោមការដឹកនាំរបស់លោក Xabi Alonso ហើយវាជាការប្រកួតមួយដ៏ជក់ចិត្ត តែក៏មានហេតុការណ៍តានតឹងជាច្រើន កើតឡើងនៅលើទីលានផងដែរ ដោយបន្ទាប់ពីចប់ការប្រកួត Dani Carvajal ដែលជាប្រធានក្រុម Real Madrid បានហៅ Lamine Yamal មកនិយាយគ្នា ទាក់ទងនឹងការបញ្ចេញមតិរបស់ Yamal បង្ខូចកេរ្តិ៍ឈ្មោះរបស់ Real Madrid ដែលក្រោយមក កីឡាករទាំងសងខាងក៏មានទំនាស់នឹងគ្នា ដោយ Vinicius Jr. និង Raphina សុទ្ធតែចូលមកការពារក្រុមរៀងៗខ្លួន។

Yamal បានចោទ Real Madrid មុនការប្រកួត El Clasico មួយថ្ងៃថាក្រុមនេះពូកែតែខាងលួចនិងខាងត្អូញត្អែ ជាហេតុធ្វើឲ្យមានការជះសាំងទៅលើភ្លើងបែបនេះតែម្ដង។

Aurelien Tchouaméni ដែលជាកីឡាករ Real Madrid ឯណោះវិញបានផ្ញើសារទៅ Yamal បន្ទាប់ពីចប់ការប្រកួតថា៖

"ខ្ញុំស្រលាញ់ណាស់នៅពេល Lamine និយាយ...ពាក្យសម្ដីគេជម្រុញទឹកចិត្តខ្ញុំកាន់តែខ្លាំង។  ការប្រកួតគឺធ្វើឡើងនៅលើទីលាន។"

ប្រភព៖: sportskeeda