Messi ទម្លាយបែបនេះ ពេលគេសួរថា តើរូបគេចូលលេង World Cup 2026 ដែរឬទេ?

កីឡា៖ ខ្សែប្រយុទ្ធ Lionel Messi ដែលជាកំពូលកីឡាករបាល់ទាត់ដ៏មានប្រជាប្រិយភាព បានទម្លាយថារូបគេមិនទាន់បានសម្រេចចិត្តច្បាស់នោះឡើយ ថានឹងចូលលេងក្នុងព្រឹត្តិការណ៍បាល់ទាត់ពិភពលោក ឆ្នាំ២០២៦ ដែរឬទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ នាឆ្នាំនេះ Messi មានអាយុ ៣៨ឆ្នាំហើយ ដោយគេទើបតែបានបន្តកុងត្រាថ្មី បន្តលេងនៅក្លិប Inter Miami ប៉ុន្តែបើគិតពីការលេងនៅជម្រើសជាតិអាហ្សង់ទីនវិញ Messi ហាក់មិនទាន់គិតគូច្បាស់ឡើយថាចូលនិវត្តន៍ឬយ៉ាងណា ខណៈដែលរូបគេបានជួយឲ្យអាហ្សង់ទីន លើកពានបាល់ទាត់ពិភពលោក ឆ្នាំ២០២២ រួចទៅហើយ។

ក្រៅពីនេះ Messi ក៏បានឈ្នះពានរង្វាន់ជាច្រើន មិនថា Champions League , La Liga ឬពានរង្វាន់ផ្ទាល់ខ្លួនដូចជា Ballon d'Or ដែលឈ្នះរហូតដល់ទៅ៨ម្នាក់ឯង ធ្វើឲ្យអ្នកគាំទ្រគិតថា គេបានបំពេញក្ដីស្រមៃឈ្នះពានរង្វាន់គ្រប់យ៉ាងដែលគេចង់បានហើយ។

យ៉ាងណាមិញ សម្រាប់ការប្រកួតបាល់ទាត់ពិភពលោក ឆ្នាំ២០២៦ ចាប់ផ្ដើមពីថ្ងៃទី១១ខែមិថុនា ឆ្នាំ២០២៦ ដល់ថ្ងៃទី ១៩ ខែកក្កដា ឆ្នាំ២០២៦ ដែលនឹងធ្វើឡើងនៅបីប្រទេសរួមគ្នាគឺ សហរដ្ឋអាមេរិក កាណាដា និងម៉ិកស៊ិកនេះវិញ អ្នកគាំទ្រពិតជាចង់ឃើញ Messi ចូលលេងជាលើកចុងក្រោយ ប៉ុន្តែ Messi បានទម្លាយថា៖

"ខ្ញុំនៅតែរង់ចាំមើលស្ថានការណ៍ពីមួយថ្ងៃទៅមួយថ្ងៃ ថាខ្ញុំនឹងចូលលេងឬអត់... ខ្ញុំមិនទាន់ដឹងនៅឡើយទេ។ ខ្ញុំចង់លេងនៅបាល់ទាត់ពិភពលោក ជាមួយនឹងសុខភាពរឹងប៉ឹង និងជាផ្នែកមួយដ៏សំខាន់ដើម្បីជួយក្រុមជម្រើសជាតិខ្ញុំ...បើសិនជាខ្ញុំបានចូលលេង។"