Katy Perry ចេញមកកម្សាន្ត ជាមួយ គូស្នេហ៍ថ្មី ម្នាក់នេះ

កម្សាន្ត៖ តារាចម្រៀងស្រី Katy Perry និង អតីតនាយករដ្ឋមន្ត្រីកាណាដា Justin Trudeau បានបង្ហាញក្តីស្រលាញ់យ៉ាងជិតស្និទ្ធរបស់ពួកគេ ខណៈពេលដែលពួកគេ កំពុងដើរលេងក្នុងឱកាសខួបកំណើតគម្រប់ ៤១ ឆ្នាំរបស់តារាចម្រៀងរូបនេះ នៅទីក្រុងប៉ារីស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតនាយករដ្ឋមន្ត្រី លោក Justin Trudeau ត្រូវបានគេថតរូបកាន់ដៃ Katy Perry នៅពេលដែលនាងដើរចេញពីឡាន ដើម្បីចូលទៅក្នុងរោងមហោស្រព Crazy Horse នៅល្ងាចថ្ងៃទី ២៥ ខែតុលា កន្លងទៅនេះ ។

លោក Justin Trudeau បានបង្ហាញស្នាមញញឹមពេលដើរជាមួយ Katy Perry ។ អ្នកនយោបាយកាណាដារូបនេះ បានតុបតែងខ្លួន ដោយស្លៀកឈុតខ្មៅទាន់សម័យ ខណៈដែល Katy Perry ស្លៀករ៉ូបពណ៌ក្រហមរឹបរាងយ៉ាងតឹងណែន និងកាន់កាបូបពណ៌ខ្មៅតូចមួយ។

អ្នកទាំងពីរ បានបង្ហាញភាពស្និទ្ធស្នាល ដោយមិនបានលែងដៃគ្នាទេ និងបានបង្ហាញខ្លួនយ៉ាងស្រួល ក្នុងចំណោមអ្នកថតរូបជាច្រើននៅខាងក្រៅរោងមហោស្រព។ ពេលចាកចេញ អ្នកទាំងពីរបានបន្តដើរដោយក្តីស្រលាញ់ ផ្លាស់ប្តូរការសម្លឹងមើល និងញញឹមយ៉ាងផ្អែមល្ហែម។ នេះជាលើកដំបូងហើយ ដែលអ្នកទាំងពីរបានបង្ហាញខ្លួនជាសាធារណៈចាប់តាំងពី មានពាក្យចចាមអារ៉ាមអំពីការណាត់ជួប។

យោងតាមប្រភព ​​​​Us Weekly បានឲ្យដឹងថា Katy Perry មានសុភមង្គលខ្លាំងណាស់ ជាមួយនឹង អតីតនាយករដ្ឋមន្ត្រីកាណាដា ហើយពួកគេ បានចំណាយពេលឯកជនជាច្រើនជាមួយគ្នា។ Katy Perry និង លោក Justin Trudeau ត្រូវបានគេឃើញញ៉ាំអាហារ ជាលើកដំបូងនៅភោជនីយដ្ឋានមួយក្នុងទីក្រុង Vancouver កាលពីខែកក្កដា នៅពេលដែលតារាចម្រៀងរូបនេះ កំពុងធ្វើដំណើរទេសចរណ៍ នៅប្រទេសកាណាដា។ នៅពេលនោះដែរ Katy ទើបតែបែកបាក់ជាមួយតារាសម្តែង Orlando Bloom បន្ទាប់ពីនៅជាមួយគ្នា អស់រយៈពេល ៩ ឆ្នាំ។ ពាក្យចចាមអារ៉ាមអំពីទំនាក់ទំនងរបស់ Katy និង លោក Justin Trudeau បានរីករាលដាលចាប់តាំងពីពេលនោះមក ប៉ុន្តែអ្នកទាំងពីរនៅតែស្ងាត់ស្ងៀម។ នៅពាក់កណ្តាលខែតុលា អ្នកទាំងពីរត្រូវបានគេថតរូបឱបថើបគ្នា នៅលើទូកកម្សាន្តមួយនៅឯឆ្នេរសមុទ្ររដ្ឋ California៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ