Ronaldo ក្ដៅក្រហាយសម្បើម ក្រោយ Al-Nassr ធ្លាក់ចេញពីពាន Suadi King's Cup

 កីឡា៖ នាថ្ងៃទី២៩ខែតុលានេះ ការប្រកួតវគ្គ១៦ក្រុមក្នុងពានរង្វាន់ Saudi King's Cup បានធ្វើឡើង ប៉ុន្តែគួរឲ្យសោកស្ដាយដែល Al-Nassr បានធ្លាក់ចេញពីពានរង្វាន់នេះ ក្រោយចាញ់ Al-Ittihad ២ទល់នឹង១។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Karim Benzema ជាអតីតមិត្តរួមក្រុម Ronaldo បានស៊ុតបញ្ចូលទី១គ្រាប់រួមជាមួយនឹង Houssem Aouar ជួយឲ្យ Al-Ittihad យកឈ្នះ Al-Nassr ដែលស៊ុតបានតែ១គ្រាប់ដោយ Angelo Gabriel ។

លទ្ធផលនេះធ្វើឲ្យ Al-Nassr បានធ្លាក់ចេញពីពាន King's Cup នេះខណៈដែល Cristiano Ronaldo រកគ្រាប់បាល់មិនបាននោះឡើយ។

យ៉ាងណាមិញ គេសង្កេតឃើញថាបន្ទាប់ពីការប្រកួតចប់ Ronaldo បានចាកចេញពីទីលានទាំងទឹកមុខពោរពេញដោយកំហឹង ដោយបានជជែកយ៉ាងក្ដៅគគុកជាមួយនឹងបុគ្គលិកក្រុមរបស់ខ្លួន មុននឹងដើរចូលទៅខាងក្នុង ដែលបង្ហាញឲ្យដឹងថារូបគេពិតជាមានការខកចិត្តនឹងលទ្ធផលនៃការប្រកួតនេះ។

ប្រភព៖: onefootball