ចៀវៃ និង ស្វាមី រៀបចំ ខួបរៀបការ ឪពុកម្តាយ យ៉ាងមានក្ដីសុខ

កម្សាន្ត៖ តារាសម្ដែងស្រី Ruby Lin និង ស្វាមីរបស់នាង លោក Wallace Huo បានរៀបចំពិធីជប់លៀង អបអរខួបអាពាហ៍ពិពាហ៍ សម្រាប់ឪពុកម្តាយរបស់នាង នៅថ្ងៃទី ២៦ ខែតុលា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព Sinchew បានឲ្យដឹងថា ពិធីជប់លៀងនេះ ត្រូវបានធ្វើឡើងនៅសណ្ឋាគារប្រណីតមួយ ក្នុងទីក្រុងតៃប៉ិ។ ឪពុករបស់ Ruby Lin ស្លៀកឈុតខ្មៅ និងក្រវ៉ាត់ក ដូចជាកូនកំលោះ ខណៈដែលម្តាយរបស់នាង បានប្តូរសម្លៀកបំពាក់ជាច្រើនឈុត។ អ្នកទាំងពីរ បានកាន់ដៃគ្នា និងកាត់នំខេកជាច្រើនជាន់ ដោយច្រៀងចម្រៀងអំពីស្នេហា។

ខណៈពេលបានឃើញសុភមង្គលរបស់ឪពុកម្តាយរបស់ពួកគេ Ruby Lin និង Wallace Huo មានសេចក្តីរីករាយយ៉ាងខ្លាំង។ ពួកគេបានជជែកគ្នាយ៉ាងសប្បាយរីករាយ ស្វាគមន៍ភ្ញៀវ និងថតរូបជាមួយអ្នកគ្រប់គ្នា។

យោងតាមមតិយោបល់នៅលើ Weibo បានសរសើរ Ruby Lin ជាកូនស្រីដែលគោរពប្រតិបត្តិ។ ខណៈ អ្នកផ្សេងទៀត បានកោតសរសើរគ្រួសារដែលមានការអប់រំល្អ និងកក់ក្តៅរបស់នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន