រូបភាពថ្មី កូនស្រី Beyoncé បង្ហាញភាពស្រស់ស្អាត ហ្វេនៗសរសើរ គ្រប់គ្នា

កម្សាន្ត៖ Blue Ivy Carter ដែលត្រូវបានគេស្គាល់ថា ជាកូនស្រីរបស់ តារាចម្រៀងស្រី Beyoncé និង លោក Jay-Z ត្រូវបានគេសរសើរ ពីភាពស្រស់ស្អាត និងជាគំរូដើម ពីម្តាយនាង នៅពេលចូលរួមពិធីជប់លៀងសប្បុរសធម៌មួយ នៅទីក្រុងញូវយ៉ក កាលពីថ្ងៃទី ២៧ ខែតុលា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Blue Ivy បានបង្ហាញខ្លួននៅឯពិធីជប់លៀង Angel Ball ជាមួយជីដូនរបស់នាង គឺអ្នករចនាម៉ូដ Tina Knowles។ ក្មេងស្រីជំទង់រូបនេះ បានជ្រើសរើសរ៉ូបសូត្រពណ៌ផ្កាឈូកស្រាលៗ ដែលមើលទៅមានភាពលេចធ្លោ និងស្រស់ស្អាត រួមផ្សំជាមួយនឹងដៃអាវរោមសត្វ។ កូនស្រីរបស់មហាសេដ្ឋីអាមេរិករូបនេះ បានតុបតែងខ្លួនស្រាលៗ ជាមួយនឹងខ្សែកពេជ្រ និងក្រវិល ព្រមជាមួយនឹងកាបូបដៃពណ៌ប្រាក់។

ទោះបីជា នាងមិនបានដើរលើកំរាលព្រំក្រហម ដូចជីដូនរបស់នាងក៏ដោយ តែ Blue Ivy បានទាក់ទាញចំណាប់អារម្មណ៍ភ្លាមៗ នៅពេលដែលនាងចូលទៅក្នុងសាលប្រជុំ។ នាងញញឹមដាក់កាមេរ៉ា ដោយបង្ហាញពីអាកប្បកិរិយាដ៏ជឿជាក់ និងស្រស់ស្អាត។ មនុស្សជាច្រើនបានបញ្ចេញមតិថា រូបរាង និងសម្រស់របស់ Blue Ivy កាន់តែស្រដៀងនឹងម្តាយរបស់នាង គឺតារាចម្រៀង Beyoncé ។

គួររំឮកផងដែរថា Blue Ivy កើតនៅឆ្នាំ ២០១២ ជាកូនដំបូងរបស់ តារាចម្រៀងស្រី Beyoncé និងតារាចម្រៀងមហាសេដ្ឋី Jay-Z។ មិនយូរប៉ុន្មាន នាងបានក្លាយជាតារាកុមារនៅពេលដែលនាងបានបង្ហាញខ្លួននៅលើឆាកច្រើនដង នៅក្នុងដំណើរទេសចរណ៍ទូទាំងពិភពលោករបស់ម្តាយនាង រួមទាំង Renaissance World Tour និង Cowboy Carter៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ