Verratti ថាបច្ចុប្បន្ន គ្មានកីឡាករណាល្អដល់ម្នាក់នេះនោះឡើយ

កីឡា៖ អតីតខ្សែបម្រើក្លិប Paris Saint-Germain គឺ Marco Verratti បានកោតសរសើរ Kylian Mbappe ថាគេជាកីឡាករដ៏អស្ចារ្យនាពេលបច្ចុប្បន្ន ហើយគ្មានកីឡាករណាល្អស្មើនឹងគេនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីចំណាយពេល៧រដូវកាលនៅ PSG កីឡាករសញ្ជាតិបារាំងរូបនេះបានផ្លាស់មក Real Madrid កាលពីរដូវក្ដៅឆ្នាំ២០២៤ ដោយក្នុងនោះ នារដូវកាលដំបូង Mbappe រាងមានភាពលំបាកក្នុងការសម្របខ្លួនជាមួយក្លិប ដែលធ្វើឲ្យមានការរិះគន់គេជាហូរហែ។

ប៉ុន្តែនៅចុងរដូវកាល ២០២៤-២០២៥ Mbappe ចាប់ផ្ដើមរកទម្រង់លេងដើមរបស់ខ្លួនឡើងវិញ និងបានក្លាយជាទៅជាតារាឆ្នើមម្នាក់ប្រចាំក្រុម  ដោយបានបំបែកកំណត់ត្រាស៊ុតបញ្ចូលទី៤៤គ្រាប់ នារដូវកាលដំបូងដែលផ្ទេរមក ធ្វើឲ្យគេក្លាយជាកីឡាករ Real Madrid ដំបូងគេដែលទទួលបានសមិទ្ធផលដ៏អស្ចារ្យមួយនេះ។

ដូច្នេះហើយទើប  Marco Verratti បានកោតសរសើរ Mbappe ថា៖

"Kylian បានសម្របខ្លួននិងស៊ុតបញ្ចូលទីជាច្រើនគ្រាប់ ថែមទាំងបានឈ្នះពាន Pichichi និងពានស្បែកជើងមាសទៀតផង។ ឆ្នាំនេះបានបង្ហាញឲ្យឃើញថាគេរឹតតែធ្វើឲ្យបានល្អទៅទៀត គឺគ្មានកីឡាករណាអស្ចារ្យដូចគេឡើយក្នុងពិភពលោក នាពេលបច្ចុប្បន្ននេះ។"