Selena បង្ហាញភាពស្រស់ស្អាត ត្រូវគេរិះគន់ រឿងមួយនេះ

កម្សាន្ត៖ តារា​ចម្រៀងស្រី Selena Gomez ត្រូវ​បាន​គេ​រិះគន់​ ចំពោះ​ការ​ជ្រើសរើស​ពណ៌​ក្រែម​លាប​មាត់ និង​ស្ទីល​មិន​សមនឹងសម្រស់ ដែល​ធ្វើ​ឱ្យ​មុខ​របស់​នាង​មើល​ទៅ ​ចាស់​និង​ស្លេកស្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២៩ ខែតុលា កន្លងទៅនេះ តារាចម្រៀងស្រី Selena Gomez បានចូលរួមក្នុងពិធីជប់លៀងសប្បុរសធម៌ Rare Impact Fund ដែលជាព្រឹត្តិការណ៍មួយ ដើម្បីរៃអង្គាសថវិកាដើម្បីគាំទ្រដល់សុខភាពផ្លូវចិត្តសម្រាប់យុវវ័យ នៅទីក្រុង Los Angeles។ តារាចម្រៀងស្រីរូបនេះ ស្លៀករ៉ូបពណ៌ស្វាយដែលមានខ្សែពីរ និងត្រូវគ្នាជាមួយនឹងស្បែកជើងកែងខ្ពស់ ហើយបំពេញរូបរាងរបស់នាង ជាមួយនឹងក្រែមលាបមាត់ពណ៌ស្រាល ជាមួយនឹងគូសជុំវិញពណ៌ត្នោត ។ តារាស្រីរូបនេះ ថែមទាំងបានលេងស្ទាយ៍សក់រួញ តាមស្ទីលបុរាណ និងពាក់ក្រវិលពេជ្រ ជួយបង្កើនសម្រស់កាន់តែលេចធ្លោ។

យ៉ាងណាមិញ នៅក្នុងវីដេអូបទសម្ភាសន៍ ជាមួយទស្សនាវដ្តី People បានបង្ហាញពីរូបរាងរបស់ Selena Gomez ដែលទាក់ទាញមតិយោបល់ជាច្រើន។ មតិយោបល់ ជាបន្តបន្ទាប់បាននិយាយថា Selena កំពុងមើលស្រាលសម្រស់របស់នាងជាមួយនឹងការតុបតែងមុខ និងការតុបតែងខ្លួនមិនស័ក្តិសម ដែលមានការលើកឡើងថា Selena មើលទៅចាស់ លាបបបូរមាត់មិនស្អាត ក៏ដូចជាការតុបតែងមុខធ្ងន់ពេក។

ដោយឡែក ក្នុងអំឡុងពេលរាត្រីរាំ Selena បានប្តូរទៅជារ៉ូបមួយផ្សេងទៀតនៅពេលចូលរួមក្នុងព្រឹត្តិការណ៍។ នាងត្រូវបានគេសរសើរថា ស្រស់ថ្លា និងស្រស់ស្អាតជាងធម្មជាតិជាមួយនឹងរ៉ូបពណ៌ក្រហម និងក្រែមលាបមាត់ពណ៌ផ្កាឈូករលោង។

កាលពីមុន តារាចម្រៀងស្រីរូបនេះ ក៏ត្រូវបានគេរិះគន់ពីរបីដងចំពោះការតុបតែងមុខ និងជម្រើសសម្លៀកបំពាក់មិនសមរម្យរបស់នាង ដែលធ្វើឱ្យនាងមើលទៅចាស់ជាងអាយុ ខណៈពេលដែលបង្ហាញពីចំណុចខ្វះខាតរាងកាយរបស់ខ្លួន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ