Justin និង ភរិយា បង្ហាញភាពផ្អែមល្ហែម ពេលចូលរួមកម្មវិធីមួយនេះ

កម្សាន្ត៖ តារាចម្រៀង លោក Justin Bieber និង ភរិយា ដែលជាតារាម៉ូដែល Hailey បានបង្ហាញភាពស្និទ្ធស្នាល នៅលើឆ្នេរខ្សាច់ក្នុងតំបន់ Caribbean ខណៈពេលកំពុងចូលរួមពិធីជប់លៀងខួបកំណើតរបស់តារាម៉ូដែល Kendall Jenner កាលពីថ្ងៃទី ៣ ខែវិច្ឆិកា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram លោក Justin Bieber បានបង្ហោះពេលវេលាដ៏ផ្អែមល្ហែមជាមួយភរិយារបស់ខ្លួន Hailey ដោយទទួលបានការចូលចិត្ត ពីអ្នកគាំទ្រជាច្រើន។ តារាចម្រៀងប្រុសរូបនេះ បានឱបភរិយារបស់ខ្លួន ថើបយ៉ាងស្រើបស្រាល ហើយអ្នកទាំងពីរ បានបង្ហាញសុភមង្គលយ៉ាងខ្លាំង។ Justin ក៏បានចែករំលែកនៅលើ Story នូវរូបថតជាបន្តបន្ទាប់នៃដំណើរកម្សាន្តរបស់ខ្លួន ទៅកាន់កោះ Mustique ជាមួយភរិយា ទៀតផង។

គូស្វាមីភរិយា Justin Bieber គឺជាភ្ញៀវមួយ នៅក្នុងពិធីជប់លៀងខួបកំណើតដ៏ប្រណីតរបស់តារាម៉ូដែល Kendall Jenner។ Justin និង Hailey សុទ្ធតែមានភាពស្និទ្ធស្នាលជាមួយ Kendall ហើយតែងតែចំណាយពេលជាមួយគ្នា។ កាលពីខែមុន អ្នកទាំងបីបានទាក់ទាញចំណាប់អារម្មណ៍នៅពេលដែលពួកគេឱបគ្នាយ៉ាងស្និទ្ធស្នាលនៅឯការប្រគំតន្ត្រីរបស់តារាចម្រៀង Dijon នៅ San Diego៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ