Ronaldo មានឆ្លើយបកទៅ Rooney បែបនេះ ក្រោយគេថា Messi ល្អជាងខ្លួន

កីឡា៖ កំពូលខ្សែប្រយុទ្ធ Cristiano Ronaldo បានទម្លាយពីការគិតរបស់គេទៅលើ Wayne Rooney បន្ទាប់ពីអតីតកីឡាករ Manchester United និងជាមិត្តរួមក្រុមរបស់គេ បាននិយាយថា Messi គឺលេងល្អជាង Ronaldo។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ក្នុងពិភពបាល់ទាត់បច្ចុប្បន្ន ទោះ Cristiano Ronaldo និង Lionel Messi កាន់តែមានវ័យចំណាស់និងបានចាកចេញពីលីគអឺរ៉ុប ដោយម្នាក់ទៅលេងនៅ Al-Nassr ឯអារ៉ាប់ប៊ីសាអូឌីត ហើយម្នាក់ទៀតទៅលេងនៅ Inter Miami នៅអាមេរិកក៏ដោយ ក៏ឥទ្ធិពលរបស់ពួកគេនៅតែខ្លាំងហើយជារឿយៗក៏តែងតែមានការជជែកវែកញែកថា អ្នកណាជាកំពូលកីឡាករផងដែរ។

យ៉ាងណាមិញ Wayne Rooney ដែលធ្លាប់ជាអតីតមិត្តរួមក្រុម Ronaldo នៅ Manchestert United ធ្លាប់បាននិយាយថា គេចូលចិត្ត Messi ហើយ Messi ជាកីឡាករដែលមានស្ទាយ៍នៃការលេងស្រដៀងគេផងដែរ។

Ronaldo បានចូលរួមផ្ដល់កិច្ចសម្ភាស៍ជាមួយលោក Pierce Morgan ហើយបានបង្ហាញចំណាប់អារម្មណ៍ទៅ Rooney វិញពាក់ព័ន្ធនឹងមតិរបស់គេដែលថា Messi ល្អជាងខ្លួននោះថា៖

"គ្មានបញ្ហាទេ...ខ្ញុំពិតជានិយាយមែន ខ្ញុំមិនខឹងនឹងសម្ដីរបស់គេឡើយ។ សម្រាប់ខ្ញុំ អ្នកអាចជ្រើសរើសនរណាក៏បានតាមដែលចិត្តអ្នកចង់។ ខ្ញុំមិនបានចងកំហឹងនឹងគេឡើយ វាពិតជាមិនអីទេ។ វាជាគំនិតគេថាគេចូលចិត្តអ្នកណាជាងគេ...សម្រាប់ខ្ញុំ វាមិនមែនជាបញ្ហាឡើយ។"