សាហាវម៉្លេះ! Ronaldo បោះសម្ដីមើលងាយថា លីគពីរនៅអឺរ៉ុបនេះ អន់ជាងលីគនៅអារ៉ាប់ទៀត

កីឡា៖ កំពូលខ្សែប្រយុទ្ធ Cristiano Ronaldo បានរិះគន់ពីគុណភាពនៃការប្រកួតបាល់ទាត់ ក្នុងក្របខណ្ឌនៅអឺរ៉ុបចំនួនពីរប្រទេស ថានៅអន់ជាង ការប្រកួតនៅលីគអារ៉ាប់ប៊ីសាអូឌីត ដែលគេកំពុងលេងទៅទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចដែលប្រិយមិត្តបានជ្រាបហើយថា Ronaldo បានផ្ទេរមកលេងនៅ Al-Nassr ជាក្លិបនៅលីគអារ៉ាប់ប៊ីសាអូឌីតតាំងពីឆ្នាំ២០២៣មកម៉្លេះ ដោយទើបតែបន្តកុងត្រាថ្មីជាមួយក្លិប រហូតដល់ឆ្នាំ២០២៧ ហើយមើលទៅរូបគេពិតជាសប្បាយចិត្តនឹងស្នាក់នៅទីនោះ។

យ៉ាងណាមិញ ថ្មីៗនេះ Ronaldo បានចេញមកផ្ដល់បទសម្ភាសន៍ជាមួយលោក Piers Morgan និងបានរិះគន់ពីកម្រិតនិងគុណភាពនៃការលេងរបស់ Ligue 1 នៅបារាំង និង Portugese League (នៅព័រទុយកាល់) ដោយបាននិយាយថា៖

"នៅ Saudi Pro League គឺល្អជាងនៅ Portugese League និងលីគនៅបារាំង...ដែលមានតែក្លិបមួយគឺ PSG ទៅទៀត។ លីគនេះគួរតែរាប់បញ្ចូលគ្រាប់បាល់ សម្រាប់ការប្រជែងយកស្បែកជើងមាស...ហេតុអីពួកគេមិនរាប់គ្រាប់បាល់នៅ Saudi League ផង?"