ស្ដាប់ហើយអួលបាយ! Ronaldo ប្រេស៊ីល ដៀមដាម Ronaldo ចំៗបែបនេះ ក្រោយគេថាខ្លួនឯងជាកីឡាករល្អផ្ដាច់គេ

កីឡា៖ លោក Ronaldo Nazario ដែលត្រូវគេស្គាល់ថាជា "Ronaldo ប្រេស៊ីល" បាននិយាយដៀមដាមទៅកាន់ កំពូលខ្សែប្រយុទ្ធ Cristiano Ronaldo ចំៗបន្ទាប់ពីរូបគេបានកោតសរសើរខ្លួនឯង ថាជាកីឡាករដ៏ឆ្នើមជាងគេក្នុងប្រវត្តិសាស្ត្របាល់ទាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Cristiano Ronaldo បានចេញមកផ្ដល់បទសម្ភាសន៍ លើរឿងជាច្រើន ដែលក្នុងនោះ រូបគេបានឆ្លើយយ៉ាងជឿជាក់ថា ខ្លួនឯងគឺជាកីឡាករដ៏ឆ្នើមផ្ដាច់គេ ក្នុងប្រវត្តិសាស្ត្របាល់ទាត់ ដែលធ្វើឲ្យលោក Ronaldo Nazario ពិតជាទើសត្រចៀកខ្លាំងណាស់។

លោក Ronaldo Nazario បានផ្ដល់បទសម្ភាសន៍វាយបកទៅ Cristiano Ronaldo វិញថា៖

"Cristiano Ronaldo បាននិយាយថាគេជាកីឡាករឆ្នើមជាងគេក្នុងប្រវត្តិសាស្ត្រ? មនុស្សខ្លះពិតជាមានការជឿជាក់លើខ្លួនឯងពេកមែន! ខ្ញុំចង់ឲ្យអ្នកផ្សេងនិយាយអួតពីខ្ញុំ ជាជាងខ្ញុំនិយាយអួតពីខ្លួនឯង។ គេជាកីឡាករម្នាក់ក្នុងចំណោមកីឡាករឆ្នើមជាច្រើន ក្នុងប្រវត្តិសាស្ត្រមែន តែបើនិយាយថាគេជាកីឡាករឆ្នើមបំផុត?... ខ្ញុំមិនគិតអ៊ីចឹងទេ។ ប៉ុន្តែខ្ញុំគោរពមតិរបស់គេ...គេពិតជានៅក្នុងបញ្ជីកីឡាករឆ្នើមក្នុងប្រវត្តិសាស្ត្រមែន តែបានត្រឹម១០នាក់ដំបូងប៉ុណ្ណោះ។"