Brad Pitt និង គូស្នេហ៍ ចេញមក ចូលរួមកម្មវិធីមួយនេះ ជាមួយគ្នា យ៉ាងផ្អែមល្ហែម

កម្សាន្ត៖ តារាសម្តែង លោក Brad Pitt និង គូស្នេហ៍ដ៏ស្រស់ស្អាត Ines de Ramon បានបង្ហាញវត្តមានជាមួយគ្នា នៅក្នុងពិធីជប់លៀងមួយ បន្ទាប់ពីការចាក់បញ្ចាំងលើកដំបូងនៃខ្សែភាពយន្ត «Jay Kelly» នៅទីក្រុង Los Angeles នៅល្ងាចថ្ងៃទី ១១ ខែវិច្ឆិកា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្ដែង លោក Brad Pitt បាននាំមិត្តស្រីរបស់ខ្លួន មកចូលរួមពិធីនេះដើម្បីគាំទ្រមិត្តភក្តិជិតស្និទ្ធរបស់លោក គឺ George Clooney  ដែលដើរតួសំខាន់នៅក្នុងខ្សែភាពយន្តនេះ។ ក្នុងនោះដែរ Brad Pitt ត្រូវបានគេឃើញឱបចង្កេះរបស់ Ines និងថតរូបជាមួយសិល្បករនៅក្នុងពិធីជប់លៀង។ យោងតាមប្រភព ​​People គូស្នេហ៍មួយគូនេះ បានមកដល់មុនម៉ោង ហើយ បង្ហាញភាពស្និទ្ធស្នាលគ្នាយ៉ាងខ្លាំង។

ប្រភពដដែល បាននិយាយថា ពួកគេមើលទៅសប្បាយចិត្តណាស់។ Brad មានអារម្មណ៍ល្អណាស់។ តារាសម្ដែងប្រុសរូបនេះ និងមិត្តស្រីរបស់ខ្លួន ក៏បានចំណាយពេលជជែកជាមួយតារាសម្តែង George Clooney និងតារាចម្រៀង Bono ផងដែរ។

គួររំឮកផងដែរថា តារាសម្តែង លោក Brad Pitt និង Ines de Ramon បានណាត់ជួបតាំងពីឆ្នាំ ២០២២។ បន្ទាប់ពីរក្សាទំនាក់ទំនងរបស់ពួកគេជាឯកជនអស់រយៈពេលជាច្រើនខែមក គូស្នេហ៍មួយនេះ បានបង្ហាញខ្លួនជាលើកដំបូង នៅលើកំរាលព្រំក្រហម នៅឯមហោស្រពភាពយន្ត Venice ក្នុងខែកញ្ញា ឆ្នាំ ២០២៤។ នៅរដូវក្តៅនេះ Ines បានចូលរួមព្រឹត្តិការណ៍ជាច្រើនជាមួយ Brad នៅពេលដែលលោកបានផ្សព្វផ្សាយខ្សែភាពយន្ត F1៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ