Benzema ថាអនាគតទៅពាន Ballon d'Or គេចមិនផុតពីដៃម្នាក់នេះទេ

កីឡា៖ ខ្សែប្រយុទ្ធ Karim Benzema បាននិយាយថា នាថ្ងៃណាមួយ អតីតមិត្តរួមក្រុមរបស់ខ្លួនគឺ Vinicius Jr. នឹងឈ្នះពាន Ballon d'Or នាថ្ងៃណាមួយមិនខាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ Vinicius Jr. គឺជាតារាឆ្នើមប្រចាំក្រុមអធិរាជ Real Madrid ដែលកាលពីរដូវកាលមុន Vinicius បានស៊ុតបញ្ចូលទី ២៤គ្រាប់ប្រចាំរដូវកាល ២០២៣/២៤ និងបានជាប់លេខ២ក្នុងបញ្ជីកីឡាករដែលអាចឈ្នះពាន Ballon d'Or កាលពីឆ្នាំ២០២៤ និងលេខ១៦ នាឆ្នាំ២០១៥ នេះ។

យ៉ាងណាមិញ Benzema ដែលធ្លាប់ជាអតីតមិត្តរួមក្រុមរបស់កីឡាករសញ្ជាតិប្រេស៊ីលរូបនេះ និងធ្លាប់ឈ្នះពាន Ballon d'Or កាលពីឆ្នាំ២០២២ នោះ បាននិយាយថា ថ្ងៃណាមួយ Vinicius ប្រាកដជាឈ្នះពាននេះហើយ៖

"Vini Jr.ឈ្នះពាន Ballon d'Or? គេអាចនឹងឈ្នះវានាថ្ងៃណាមួយ...គេពិតជាអាចធ្វើបាន ទោះវាពិបាកក៏ដោយ តែគេពិតជាអាច។ វានឹងកើតឡើងនាថ្ងៃណាមួយនៅពេលគេយល់ថា គេនៅលើទីលានដើម្បីលេងបាល់ និងត្រូវទុកបញ្ហាផ្សេងទៀតនៅក្រៅទីលាន។"