អុញនោះ! ក្លិប Barca ប្រាប់ទៅកីឡាករម្នាក់នេះឲ្យផ្អាករកគ្រាប់បាល់សិនទៅ ដោយសារ...

កីឡា៖ យោងតាមរបាយការណ៍ ក្លិប Barcelona បានប្រាប់ទៅខ្សែប្រយុទ្ធ Robert Lewandowski ឲ្យផ្អាករកគ្រាប់បាល់សម្រាប់រដូវកាល ២០២២/២០២៣ ដោយសារតែមិនចង់បង់ប្រាក់បន្ថែមទៅឲ្យក្លិប Bayern Munich ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយសារក្នុងកិច្ចព្រមព្រៀងគឺ Barcelona ត្រូវបង់ប្រាក់ចំនួន ២.៥លានអឺរ៉ូ (ស្មើនឹងប្រមាណ ២.៩លានដុល្លារ) ទៅ Bayern Munich ជាក្លិបចាស់របស់ Lewandowski បើសិនជាគេស៊ុតបញ្ចូលទីបានគ្រប់២៥គ្រាប់ នៅរដូវកាលនោះ ដែលកាលណោះ Xavi នៅដឹកនាំក្រុមនៅឡើយទេ។

យោងតាមលោកការសរសេរ Sebastian Staszewski ដែលបានរៀបរាប់ពីជីវប្រវត្តិរបស់តារាឆ្នើមសញ្ជាតិប៉ូឡូញរូបនោះ Barcelona បានណាត់ចួបជាមួយ Lewandowski បន្ទាប់ពីឈ្នះពាន La Liga បន្ទាប់មក Xavi និងគណៈគ្រប់គ្រងក្លិបពីរបីនាក់បាននិយាយទៅកាន់ Lewandowski ថានៅសល់២ប្រកួតចុងក្រោយនេះ ក្លិបមិនចង់ឲ្យគេស៊ុតបញ្ចូលទីទៀតនោះឡើយ។

នារដូវកាលនោះ Robert Lewandowski បានឈ្នះពាន Pichichi (កីឡាករស៊ុតបញ្ចូលទីបានច្រើនជាងគេប្រចាំលីគ La Liga) បើទោះបីជារូបគេពុំបានស៊ុតបញ្ចូលទីនាពីរប្រកួតចុងក្រោយនោះក៏ដោយ៕