អីយ៉ាស់! Romano ថា Barca ចង់បានតារាឆ្នើម ម្នាក់នេះមកជំនួស Lewandowski

កីឡា៖ យោងតាមការចុះផ្សាយរបស់អ្នកកាសែត Fabrizio Romano ដែលជាប្រភពគួរឲ្យទុកចិត្តបាន ក្លិប Barcelona គ្រោងនឹងបើកការចរចាទិញយក ខ្សែប្រយុទ្ធ Harry Kane ពីក្រុម Bayern Munich នាឆ្នាំ២០២៦ខាងមុខនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាគីរបស់លោក Hansi Flick គិតថា Kane ដែលជាតារាឆ្នើមនិងជាប្រធានក្រុមជម្រើសជាតិអង់គ្លេស ជាជម្រើសដ៏សក្ដិសមសម្រាប់ ជំនួសខ្សែប្រយុទ្ធ Robert Lewandowski ដែលមានវ័យជិត៤០ឆ្នាំទៅហើយ។

Kane ពេលនេះគឺជាតារាឆ្នើមម្នាក់ប្រចាំ Bayern Munich ដែលនៅរដូវកាលនេះ រូបគេស៊ុតបញ្ចូលទីបាន២២គ្រាប់ហើយ ក្នុងការបង្ហាញខ្លួនត្រឹមតែ១៧ប្រកួត ទើបទាក់ភ្នែក Barcelona ។

Robert Lewandowski ឯណោះត្រូវបានគេរាយការណ៍ថាអាចនឹងចាកចេញពីទឹកដី Camp Nou បន្ទាប់ពីអស់សុពុលភាពកុងត្រានាខែមិថុនា ឆ្នាំ២០២៦ខាងមុខនេះហើយ៕