Flick ថាម្នាក់នេះជាកីឡាករ ល្អផ្ដាច់គេ នារយៈពេល១០ឆ្នាំចុងក្រោយនេះ

កីឡា៖ អ្នកចាត់ការក្រុម Barcelona គឺលោក Hansi Flick បាននិយាយថា ខ្សែប្រយុទ្ធ Lionel Messi គឺជាកំពូលកីឡាករដ៏ឆ្នើមផ្ដាច់គេនារយៈពេល១០ឆ្នាំចុងក្រោយមកនេះ ហើយលោកពិតជាចង់បង្វឹកប្រធានក្រុមជម្រើសជាតិអាហ្សង់ទីនរូបនេះនាថ្ងៃណាមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចដែលប្រិយមិត្តបានជ្រាបហើយថា Messi គឺជាកំពូលខ្សែប្រយុទ្ធដ៏ឆ្នើម ដែលក្រសោបបានពាន Ballon d'Or ដល់ទៅ៨ពាន ដែលគ្មានកីឡាករណាអាចធ្វើបានល្អ ហើយរូបគេក៏បានឈ្នះពានជាក្រុមជាច្រើនមិនថា La Liga, ឬ Champions League និង World Cup ផងដែរ។

Hansi Flick ដែលបច្ចុប្បន្នជាគ្រូបង្វឹករបស់ Barcelona បាននិយាយថា ទោះបីជាចង់បង្វឹក Messi ណាស់ក៏ដោយ តែលោកគិតថា លោកគ្មានឱកាសបានបង្វឹក Messi ទេព្រោះ Messi ជិតចូលនិវត្តន៍ខណៈដែលលោកមានកុងត្រាជាមួយ Barcelona ត្រឹមឆ្នាំ២០២៧ប៉ុណ្ណោះ។

លោក Flick បាននិយាយថា៖

"ខ្ញុំពិតជាចង់បង្វឹកគេ ព្រោះ Messi ជាកីឡាករដ៏ឆ្នើមបំផុតនារយៈពេល១០ឆ្នាំចុងក្រោយនេះ ហើយខ្ញុំតែងតែរីករាយក្នុងការមើលគេលេងបាល់ ហើយគេក៏ជាកីឡាករដ៏ល្អឥតខ្ចោះសម្រាប់ក្រុមណាក៏ដោយដែលគេលេង ប៉ុន្តែកុងត្រារបស់គេបញ្ចប់ត្រឹមឆ្នាំ២០២៨ ខណៈដែលខ្ញុំបញ្ចប់នៅឆ្នាំ២០២៧ ដូច្នេះវាមិនមែនជាចម្លើយឡើយ។"