ករណីឃាតកម្ម សម្លាប់មួយគ្រួសារ រួចប្រមូលគលើគ្នាដុតបំបាត់ភស្ដុតាង

ខេត្តកំពង់ចាម៖ រឿងរ៉ាវដ៏គួរឱ្យភ្ញាក់ផ្អើលមួយដែលកម្រកើតឡើងនៅតំបន់ជនបទដាច់ស្រយាល ដែលប្តីបានឈ្លោះប្រកែកជាមួយប្រពន្ធមានផ្ទៃពោះ ដែលប្រែក្លាយទៅជាអំពើហិង្សា ហើយនាំឱ្យមានករណីឃាតកម្មដ៏ឃោរឃៅមួយ ដែលប្តីបានសម្លាប់ប្រពន្ធ និងកូនៗរបស់គាត់ដោយចាក់សាំងលើពួកគេ រួមទាំងម្តាយក្មេករបស់គាត់ផងដែរ សរុបចំនួន ១០នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុការណ៍នេះបានកើតឡើងនៅផ្ទះកសិករមួយកន្លែងក្នុងភូមិទួលសំបួរ ឃុំទួលសំបួរ ស្រុកស្ទឹងត្រង់ វេលាម៉ោង ៥:០០ ព្រឹក ថ្ងៃទី ២៣ ខែវិច្ឆិកា ឆ្នាំ ២០២៥។

បន្ទាប់ពីហេតុការណ៍នេះ ប៉ូលីសបានធ្វើការស៊ើបអង្កេតភ្លាមៗ ក្រោមបញ្ជារបស់ស្នងការនគរបាលខេត្ត ហើយបានចាប់ខ្លួនប្តី និងបញ្ជូនគាត់ទៅកាន់ស្នងការនគរបាលខេត្ត។

លោក វ៉ា ស្រេង អធិការឃុំទួលសំបួរ បានមានប្រសាសន៍ថា មូលហេតុដំបូងគឺជនរងគ្រោះជាប្រពន្ធ និងប្តីរបស់គាត់បានឈ្លោះប្រកែកគ្នា ហើយមិនអាចទ្រាំទ្របានទៀតទេ។ ប្រពន្ធបានរត់ទៅផ្ទះម្តាយរបស់គាត់នៅភូមិពូន ដែលមានចម្ងាយប្រហែល ៥ គីឡូម៉ែត្រពីផ្ទះរបស់ពួកគេ។ បន្ទាប់មក ប្ដីដែលមានអាយុជាង ២០ ឆ្នាំ បានខឹងសម្បារយ៉ាងខ្លាំង ហើយប្រពន្ធរបស់គាត់បានជិះម៉ូតូទៅរកផ្ទះម្ដាយក្មេកម្នាក់ទៀតរបស់ប្រពន្ធនៅក្នុងភូមិពូន។ នៅពេលនោះ ប្ដីបានប្រព្រឹត្តឃាតកម្មយ៉ាងឃោរឃៅដោយសម្លាប់កូនៗទាំងអស់នៅក្នុងផ្ទះ រួមទាំងប្រពន្ធមានផ្ទៃពោះ កូនក្នុងផ្ទៃ និង 

ម្តាយក្មេក ដោយបានលើកគដាក់លើគ្នារួចចាក់សាំងដុតកំទេច ចោលដើម្បីបំបាត់ភស្តតាង។

ក្រោយពីកើតហេតុវត្ថុតាងដែលនៅសល់គឺមានប្រេងសាំងជិត មួយប៊ីដុងទៀត ដែលបុរសជាប្តីបានទិញយកមកដើម្បីប្រព្រឹត្ត នៅអំពើឃាតកម្មដែលពុំដែលកើតមានទាល់តែសោះនៅក្នុងឃុំ មួយនេះ។

លោកមេឃុំបានបន្តឲ្យដឹងទៀតថារួមទាំងក្មួយ ដែលរត់មកក្រៅ ផ្ទះក៏ត្រូវបានបុរសនេះតាមសម្លាប់កាប់ទាំងពូជតែម្តងសរុបទៅ កើនដល់១០នាក់ ។ ក្រោយពីសម្លាប់មនុស្សជាសមាជិកក្រុម គ្រួសាររបស់ខ្លួនច្រើនបែបនេះក៏បានជិះម៉ូតូគេចមកផ្ទះរបស់ខ្លួន វិញ និងព្យាយាមជិះម៉ូតូរត់គេចដែរ តែត្រូវបានកម្លាំងនគរបាល មូលដ្ឋានតាមស្ទាក់ចាប់បាន។

ដោយឡែកមន្រ្តីសាលាស្រុកស្ទឹងត្រង់មួយរូបបានប្រាប់ឲ្យដឹង ដែរថាក្រោយពីមានករណីអំពើឃាតកម្មឃោរឃៅនេះរួចមក កម្លាំងសមត្ថកិច្ចគ្រប់លំដាប់ថ្នាក់បានចុះទៅដល់គោលដៅ ដើម្បីហ៊ុព័ទ្ធធ្វើការត្រួតពិនិត្យ ដោយមានទាំងនគរបាល បច្ចេកទេសនៃស្នងការដ្ឋាននគរបាលខេត្តសហការជាមួយនឹង អង្គការCPU របស់អូស្ត្រាលីបានមកដល់នៅឃុំទួលសំបួរ ស្រុកស្ទឹងត្រង់ ធ្វើការអង្កេតលើករណីនេះផងដែរ។

ជនសង្ស័យជាប្តីឈ្មោះ សុបិន្ត វិនា អាយុ២១ ឆ្នាំ រស់នៅភូមិ គីឡូ១០ ឃុំអារក្សត្នោត ស្រុកស្ទឹងត្រង់ ខេត្តកំពង់ចាម បាន កាប់សម្លាប់ និងដុត ប្រពន្ធ យាយ និងក្មួយៗសាច់ថ្លៃសរុប ស្លាប់អស់ចំនួន ៩ នាក់ ៖

១-ឈ្មោះ ស៊ុន សឿន ភេទស្រី អាយុ៦៧ រស់នៅទួលសំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ត្រូវជាម្តាយក្មេក ជនសង្ស័យ ។

២-ឈ្មោះ ធា តាំងលី ភេទស្រី អាយុ២០ឆ្នាំ (មានផ្ទៃពោះ) ត្រូវជាប្រពន្ធរបស់ជនសង្ស័យ រស់នៅភូមិទួលសំបួរ ឃុំទួល សំបួរ ស្រុកស្ទឹងត្រង់ ខេត្តកំពង់ចាម ។

៣-ឈ្មោះ ស៊ឹម វិសាល ភេទស្រី អាយុ១៤ រស់នៅភូមិទួល សំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៤-ឈ្មោះ ផា បូតា ភេទប្រុស អាយុ១៣ឆ្នាំ រស់នៅភូមិទួល សំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៥-ឈ្មោះ ផា ស្រីតាន ភេទស្រី អាយុ១១ឆ្នាំ រស់នៅភូមិទួល សំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៦-ឈ្មោះ ធា ថាក់ ភេទប្រុស អាយុ៧ឆ្នាំ រស់នៅភូមិទួលសំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៧-ឈ្មោះជា សុភ័ក្ត្រ ភេទប្រុស អាយុ៧ឆ្នាំ រស់នៅភូមិទួល សំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៨-ឈ្មោះជា សម្ភស្ស ភេទស្រី អាយុ៥ឆ្នាំ រស់នៅភូមិទួលសំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

៩-ឈ្មោះណាត នាង ភេទស្រី អាយុ២១ឆ្នាំ រស់នៅភូមិទួល សំបួរ ឃុំទួលសំបួរ ស្រុកស្ទឹងត្រង់ ខេត្តកំពង់ចាម ។

សូមបញ្ជាក់ថា សរុបទាំងកូនក្នុងផ្ទៃរបស់ស្ត្រីជាប្រពន្ធ ជនសង្ស័យផងនោះ អ្នកស្លាប់មានចំនួន១០នាក់។

បច្ចុប្បន្ន ជនសង្ស័យឈ្មោះ សុបិន្ត វិនា ខាងលើត្រូវបាន នគរបាលស្នងការខេត្តឃាត់ខ្លួន ដើម្បីកសាងសំណុំរឿងតាម នីតិវិធី ។

ករណីអំពើហិង្សាខាងលើនេះដែលមានលក្ខណៈឃោរឃៅបែប នេះនៅក្នុងខេត្តកំពង់ចាមមិនដែលធ្លាប់កើតមានឡើងទាល់តែ សោះ ទើបតែមានមួយករណីនេះ ៕

ប្រភព៖ កោះសន្ដិភាព