ស៊ុត១គ្រាប់នេះចុងម៉ោង Ronaldo ជួយ Al-Nassr លត់ Al-Khaleej ៤ ទល់នឹង ១

កីឡា៖ កំពូលខ្សែប្រយុទ្ធ Cristiano Ronaldo បានក្លាយជាទីចាប់អារម្មណ៍សាជាថ្មី បន្ទាប់ពីបានស៊ុតបញ្ចូលទី១គ្រាប់បិទគូថចុងម៉ោង ជួយ Al-Nassr ឲ្យយកឈ្នះ Al-Khaleej ៤ ទល់នឹង១ ក្នុងការប្រកួតក្នុងលីគ Saudi Pro League នាថ្ងៃទី២៤ខែវិច្ឆិកានេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កីឡាករវ័យ៤០ឆ្នាំរូបនេះបានប្រើក្បាច់ Bicycle Kick ហាក់បង្វិលខ្លួន ស៊ុតបញ្ចូលទីយ៉ាងស្អាត ដែលធ្វើឲ្យអ្នកគាំទ្រមានការកោតសរសើរសមត្ថភាពនៃការលេងរបស់គេយ៉ាងខ្លាំង។

នៅក្នុងការប្រកួតនេះដែរ Joao Félix ,Wesley, Sadio Mané សុទ្ធតែបានស៊ុតបញ្ចូលទីម្នាក់១គ្រាប់ជួយឲ្យក្រុមនាំមុខ Al-Khaleej ហើយ តែ១គ្រាប់ចុងម៉ោង នានាទី ៩០+៦ របស់ Ronaldo ពិតជាទាក់ទាញការចាប់អារម្មណ៍ខ្លាំងដោយការក្បាច់នៃការស៊ុតបញ្ចូលទី។

ខណៈពេលនេះ Al-Nassr កំពុងក្លាយជាក្រុមគ្រប់គ្រងកំពូលតារាង ដោយឈ្នះទាំង៥ប្រកួតចុងក្រោយ៕

ប្រភព៖: sportskeeda