Taylor Swift ចំណាយលុយ រាប់លានដុល្លារ ដើម្បីធ្វើរឿងមួយនេះ មុនពេលរៀបការ

កម្សាន្ត៖ តារាចម្រៀងស្រី Taylor Swift ត្រូវបានគេរាយការណ៍ថា កំពុងចំណាយប្រាក់យ៉ាងច្រើន ដើម្បីកែប្រែ វិមាន Rhode Island របស់នាង ទៅជាសួនផ្កាមុនពេលរៀបការ ជាមួយគូដណ្តឹង លោក Travis Kelce។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមកាសែត The Sun បានឲ្យដឹងថា តារាចម្រៀងស្រី Taylor Swift និង លោក Travis Kelce បានជ្រើសរើសរៀបចំពិធីមង្គលការរបស់ពួកគេ នៅឆ្នាំក្រោយ នៅវិមានតម្លៃ ៣២ លានដុល្លាររបស់តារាចម្រៀងស្រីរូបនេះ។ ប្រភពព័ត៌មានបាននិយាយថា តារាចម្រៀងស្រីរូបនេះ មានគម្រោងចំណាយប្រហែល ១,២ លានដុល្លារ ដើម្បីកែលម្អ​ ទេសភាពឡើងវិញ រួមទាំងការចំណាយ លើការថែសួន និងការបង្កើនសន្តិសុខដើម្បីរក្សាការរៀបចំជាសម្ងាត់ទាំងស្រុង។

ប្រភពព័ត៌មាន បានបង្ហាញថា «Taylor Swift ចង់ឱ្យកន្លែងទាំងមូល ពោរពេញទៅដោយផ្កា ជាមួយនឹងគ្រែផ្កាអ័រគីដេពណ៌ស ពណ៌ស្វាយ និងពណ៌ផ្កាឈូក និង ផ្កាអ៊ីដ្រាហ្គេណា(hydrangeas)ពណ៌ខៀវ ពណ៌ស និងពណ៌ផ្កាឈូក រួមទាំងផ្កា peony ពណ៌ផ្កាឈូក ពណ៌ស និងពណ៌ក្រហម។ នាងក៏ចង់រៀបចំ គ្របដណ្តប់លើដី ជាមួយនឹងគុម្ពផ្កាជាច្រើនដើម្បីធ្វើឱ្យក្តីស្រមៃវ័យជំទង់របស់នាង ក្នុងការរៀបការនៅក្នុងសមុទ្រផ្កា ក្លាយជាការពិត»។

គួរំឮកផងដែរថា តារាចម្រៀងស្រី Taylor Swift បានទិញវិមាន Rhode Island ទំហំ ២០០០០ ហ្វីតការ៉េនេះ កាលពីជាង ១០ ឆ្នាំមុន ក្នុងតម្លៃ ១៧,៧៥ លានដុល្លារ។ ផ្ទះនេះមានបីជាន់ បន្ទប់គេងចំនួនប្រាំពីរ បន្ទប់ទឹកចំនួនប្រាំបួន និងមានគ្រឿងបរិក្ខារជាច្រើនទៀត។ អចលនទ្រព្យនេះ មានសួនច្បារធំមួយ ឆ្នេរសមុទ្រប្រវែង ២០០ ម៉ែត្រ និងឆ្នេរឯកជនមួយ។ Taylor បានចំណាយប្រាក់រាប់លានដុល្លារបន្ថែមទៀត ដើម្បីធ្វើឱ្យអចលនទ្រព្យនេះមានភាពប្រសើរ ដែលឥឡូវនេះ មានតម្លៃជាង ៣០ លានដុល្លារ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ