ស្អាតណាស់! Ronaldo គ្រោងនឹងរៀបការជាមួយគូដណ្ដឹង Georgina នៅព្រះវិហារមួយនេះ

កីឡា៖ ពិតណាស់ ដូចដែលប្រិយមិត្តបានជ្រាបហើយថា ថ្មីៗនេះ កំពូលខ្សែប្រយុទ្ធ Cristiano Ronaldo បានសុំគូស្នេហ៍ Georgina Rodriguez រៀបការហើយ បន្ទាប់ពីបានទាក់ទងគ្នាអស់រយៈពេលជាង៩ឆ្នាំកន្លងមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Ronaldo ដែលមានអាយុ៤០ឆ្នាំនិងមានកូន២នាក់ជាមួយនឹង Georgina បានសម្រេចចិត្តថា ពួកគេនឹងរៀបការនៅលើកោះ Madeira ដែលនឹងធ្វើឡើងនារដូវក្ដៅ ឆ្នាំ២០២៦ ខាងមុខ នេះបើយោងតាមការចុះផ្សាយរបស់កាសែត Jorbal de Madeira។

ពិធីរៀបការនេះនឹងធ្វើឡើងតាមបែប គ្រឹស្ដាសាសនានិយម នៅព្រះវិហារ Funchal Cathedral បន្ទាប់ពី Ronaldo បញ្ចប់ការលេងបាល់ទាត់ពិភពលោកឆ្នាំ២០២៦ ដោយក្នុងនោះ ប្រធានក្រុមជម្រើសជាតិព័រទុយកាល់រូបនេះ សង្ឃឹមថានឹងមានឱកាសលើកពានបាល់ទាត់ពិភពលោក FIFA World Cup 2026 ក្នុងពិធីរៀបការរបស់ខ្លួនផងដែរ។

ព្រះវិហារដែល Ronaldo នឹងរៀបការជាព្រះវិហារចំណាស់ជាងគេលើកោះនេះហើយសណ្ឋាគារដែលរៀបចំពិធីនោះ គឺនៅក្បែរនឹងមន្ទីរពេទ្យ Ronaldo បានកើត៕