Ronaldo ចេញមក និយាយ បែបនេះ ពីរឿងរៀបការ

កម្សាន្ត៖ កីឡាករបាល់ទាត់ លោក Cristiano Ronaldo និងគូដណ្តឹង Georgina Rodriguez ត្រូវបានគេរាយការណ៍ថា នឹងរៀបការនៅស្រុកកំណើតរបស់ពួកគេគឺ Madeira នៅរដូវក្តៅក្រោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភពព័ត៌មាន ​​Jornal da Madeira គូស្នេហ៍មួយគូនេះមានគម្រោងធ្វើពិធីនៅវិហារ Funchal មុនពេលធ្វើពិធីជប់លៀងនៅសណ្ឋាគារប្រណីតមួយ នៅលើកោះ។ ទីតាំងនេះ មានសារៈសំខាន់ជាពិសេសសម្រាប់ Ronaldo ព្រោះវាស្ថិតនៅចម្ងាយត្រឹមតែ ២,៤ គីឡូម៉ែត្រពីមន្ទីរពេទ្យដែលលោកកើត និង ប្រហែល ៥ គីឡូម៉ែត្រពីទីលានហ្វឹកហាត់របស់ក្លឹប Nacional da Madeira ដែលជាអតីតក្លឹបរបស់លោក។

នេះអាចមានន័យថា គូស្នេហ៍មួយគូនេះ នឹងបំបែកប្រពៃណីនៃការផ្លាស់ប្តូរពាក្យសច្ចា នៅក្នុងស្រុកកំណើតរបស់កូនក្រមុំ គឺប្រទេសអាហ្សង់ទីន។ ពិធីមង្គលការនឹងធ្វើឡើង រវាងចុងបញ្ចប់នៃព្រឹត្តិការណ៍ World Cup ឆ្នាំ ២០២៦ និងការចាប់ផ្តើមរដូវកាលថ្មីជាមួយ Al Nassr។

លោក Cristiano Ronaldo បាននិយាយនៅក្នុងការសន្ទនាជាមួយអ្នកកាសែត Piers Morgan កាលពីដើមខែវិច្ឆិកាថា «យើងនឹងរៀបការបន្ទាប់ពីព្រឹត្តិការណ៍ World Cup ជាមួយនឹងពានរង្វាន់»។ ហើយរូបលោក ក៏បានបង្ហើបផងដែរថា វានឹងក្លាយជាពិធីឯកជនមួយ ព្រោះ Georgina មិនចូលចិត្តពិធីជប់លៀងធំៗ នោះទេ។

គួររំឮកផងដែរថា Ronaldo និង អនាគតភរិយា បានជួបគ្នាជាលើកដំបូងនៅឆ្នាំ ២០១៦ នៅហាងលក់សម្លៀកបំពាក់មួយក្នុងទីក្រុងម៉ាឌ្រីដ ដែលជាកន្លែងដែល Georgina ធ្វើការ។ អ្នកទាំងពីរបានរក្សាទំនាក់ទំនងរបស់ពួកគេជាសម្ងាត់រយៈពេលមួយឆ្នាំ មុនពេលប្រកាសជាសាធារណៈ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ