គ្រូ Spurs ថា អនាគតទៅ ពាន Ballon d'Or រួចមិនផុតពីដៃម្នាក់នេះទេ

កីឡា៖ លោក Thomas Frank ជាគ្រូបង្វឹកក្រុមមាន់ខ្នាយមាស Tottenham Hotspur បានកោតសរសើរដល់ខ្សែបម្រើ Vitinha នៃក្រុម Paris Saint-Germain ថាអនាគតទៅ រូបគេនឹងក្លាយជាម្ចាស់ពានបាល់មាស  Ballon d'Or ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កីឡាករដ៏ឆ្នើមរូបនេះបានរួមចំណែកស៊ុតបញ្ចូលទី៣គ្រាប់ (Hat-Trick) ក្នុងការប្រកួត Champions League ទល់នឹង Tottenham Hotspur ដែល PSG បានយកឈ្នះ ៥ ទល់នឹង៣ នាថ្ងៃ ទី២៧ ខែវិច្ឆិកានេះ។

ទោះបីក្រុមរបស់លោកបានរងបរាជ័យក្រោមថ្វីជើង PSG ដែលជាម្ចាស់ពាន Champions League រដូវកាលមុនក៏ដោយ ក៏លោក Frank បានកោតសរសើរ Vitinha ថា៖

"Vitinha គឺជាខ្សែបម្រើដ៏ល្អផ្ដាច់គេក្នុងពិភពលោក ហើយខ្ញុំដឹងថាគេនឹងក្លាយជាម្ចាស់ពាន Ballon d'Or សម្រាប់ខ្ញុំ។"

គួរបញ្ជាក់ផងដែរថា Vitinha បានក្លាយជាទៅជាកីឡាករស្នូលមួយរូបរបស់ PSG ក្នុងដំណើរឆ្ពោះទៅរកការឈ្នះពាន Champions League កាលពីរដូវកាលមុន ខណៈដែលកាលពីឆ្នាំ២០២៥ កីឡាករសញ្ជាតិព័រទុយកាល់រូបនេះ បានជាប់ចំណាត់ថ្នាក់លេខ៣ ក្នុងបញ្ជីប្រជែងដណ្ដើមពានបាល់មាស Ballon d'Or ផងដែរ៕

ប្រភព៖: sportskeeda