លោក Louis Saha ថា Yamal គ្មានថ្ងៃអាចលេងដល់កម្រិត កំពូលខ្សែប្រយុទ្ធរូបនេះឡើយ

កីឡា៖ អតីតកីឡាករឆ្នើម Louis Saha បាននិយាយថា ខ្សែប្រយុទ្ធ Lamine Yamal មិនអាចក្លាយជាកីឡាករឆ្នើមដល់កម្រិត Lionel Messi បាននោះទេ ព្រោះរូបគេមិនមានអត្តចរិតដូចជាកំពូលខ្សែប្រយុទ្ធ Cristiano Ronaldo ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Saha គិតថា Yamal មិនមានភាពងប់ងល់នឹងអភិវឌ្ឍខ្លួនឯងដូចជា Cristiano Ronaldo និង Lionel Messi ខណៈដែលពេលនេះ Yamal កំពុងត្រូវគេរិះគន់យ៉ាងចាស់ដៃពីការប្រើប្រាស់ជីវិតដ៏ហ៊ឺហារ ក្រៅទីលានបាល់ទាត់ ដោយបន្តមានមិត្តស្រីជាច្រើន និងចូលចិត្តការជប់លៀងរាំសប្បាយ។

យ៉ាងណាមិញ Yamal ត្រូវបានគេប្រៀបធៀបថាអនាគតទៅ គេអាចនឹងពូកែដូចMessi ដោយសារសមត្ថភាពនៃការលេងបាល់របស់គេ ដោយនៅរដូវកាលនេះ ខ្សែប្រយុទ្ធសញ្ជាតិអេស្ប៉ាញរូបនេះ រកបាន១៨គ្រាប់សម្រាប់រដូវកាល ២០២៤/២០២៥ ហើយ។

ទោះជាយ៉ាងណាក៏ដោយ Saha ថា Yamal មិនអាចលេងដល់កម្រិត Messi បានទេដោយលើកឡើងថា៖

"តើ Lamine Yamal អាចពូកែដូច Messi នាថ្ងៃណាមួយទេ? វានឹងល្អសម្រាប់គេ ប៉ុន្តែខ្ញុំមិនគិតអ៊ីចឹងទេ! ខ្ញុំមានមន្ទិលថាគេអាចធ្វើបែបនោះបាន។ ខ្ញុំទទួលស្គាល់ថា Yamal មានគុណភាពជាកីឡាករម្នាក់តែខ្ញុំមិនឃើញថាគេងប់ងល់នឹងបាល់ទាត់ ដល់កម្រិតដែលចាប់អារម្មណ៍តែបាល់ទាត់ដូច Cristiano មានទេ។"

ប្រភព៖: sportskeeda