Selena និង ស្វាមី បង្ហាញសកម្មភាពមួយនេះ ជាមួយគ្នា​ យ៉ាងផ្អែមល្ហែម

កម្សាន្ត៖ តារា​ចម្រៀងស្រី Selena Gomez បានចែករំលែកពេលវេលាដ៏ផ្អែមល្ហែម ជាមួយស្វាមីរបស់នាង Benny Blanco នៅថ្ងៃ Thanksgiving បន្ទាប់ពី រៀបការបានពីរខែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២៧ ខែវិច្ឆិកា កន្លងទៅនេះ តារាចម្រៀងស្រី Selena Gomez បានបង្ហោះរូបថតពីរសន្លឹកនៃពិធីមង្គលការ នៅលើ Instagram Story ដោយបង្ហាញពីទីធ្លាយ៉ាងកក់ក្ដៅនៅផ្ទះ។ នៅក្នុងរូបថតដំបូង នាងបានបង្ហាញតុដែលរៀបចំនៅខាងក្រៅដ៏ប្រណិត ដែលតុបតែងដោយភួងផ្កា និងទៀនខ្ពស់ៗ។

នៅក្នុងរូបថតបន្ទាប់ តារាស្រីរូបនេះ បានបង្ហាញភាពស្និទ្ធស្នាលឱបស្វាមីរបស់នាង ។ រូបនាង បានស្លៀកឈុតគេងសាមញ្ញៗ សម្លឹងមើលស្វាមីរបស់នាងដោយក្តីស្រលាញ់ ខណៈពេលដែល Benny Blanco ញញឹមយ៉ាងរីករាយ។ ក្នុងនោះដែរ Selena បានសរសេរថា «ថ្ងៃនេះ ខ្ញុំដឹងគុណចំពោះអ្នក។ រីករាយថ្ងៃ Thanksgiving»។

គូស្វាមីភរិយាមួយគូនេះ បានប្រារព្ធថ្ងៃឈប់សម្រាកដំបូងរបស់ពួកគេជាមួយគ្នា ក្នុងរយៈពេលពីរខែបន្ទាប់ពី ពិធីមង្គលការរបស់ពួកគេ។ គួររំឮកផងដែរថា Selena Gomez បានណាត់ជួបជាមួយ Benny Blanco តាំងពីរដូវក្តៅឆ្នាំ ២០២៣ បន្ទាប់ពីធ្វើជាមិត្តភក្តិ និងដៃគូតន្ត្រីអស់រយៈពេលជាច្រើនឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ