លែងទុកហើយ! បើនៅតែខ្សត់គ្រាប់បាល់អ៊ីចឹង R.Madrid នឹងលក់តារាឆ្នើមម្នាក់នេះរបស់ខ្លួន

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថាអនាគត ខ្សែប្រយុទ្ធ Rodrygo ជាមួយ Real Madrid ហាក់មានការស្រពេចស្រពិលហើយ បន្ទាប់ពី Real Madrid បានសម្រេចចិត្តថានឹងលក់កីឡាកររូបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីផ្ទេរមក Real Madrid ដំបូងៗ Rodrygo ប្រៀបដូចជាកីឡាករដ៏ឆ្នើមដែលក្លិបជឿជាក់ថា គេនឹងក្លាយជាតារាឆ្នើមជំនាន់ក្រោយរបស់ក្លិប ប៉ុន្តែ ឆ្លងកាត់៣០ប្រកួតកន្លងមក កីឡាករសញ្ជាតិប្រេស៊ីលរូបនេះរកគ្រាប់បាល់មិនបាន សូម្បីតែ១គ្រាប់។

ស្របពេលលេចឮថា Manchester City កំពុងចាប់អារម្មណ៍រូបគេ ឥឡូវនេះ Real Madrid គ្រោងនឹងលក់កីឡាកររូបនេះហើយ បើសិនជាគេនៅតែមិនអាចស៊ុតបញ្ចូលទីបាន។ គួរបញ្ជាក់ផងដែរថា Real Madrid បានទិញ Rodrygo ពីក្លិប Santos ក្នុងឆ្នាំ២០១៩៕