Miley Cyrus បង្ហាញភាពស្រស់ស្អាត ចូលរួមកម្មវិធីមួយនេះ ជាមួយ គូស្នេហ៍

កម្សាន្ត៖ តារាចម្រៀងស្រី Miley Cyrus បានទាក់ទាញចំណាប់អារម្មណ៍ នៅក្នុងការចាក់បញ្ចាំងលើកដំបូងនៃរឿង «Avatar: Fire and Ash» នៅពេលដែល នាងបានពាក់ចិញ្ចៀនពេជ្រនៅលើម្រាមដៃចិញ្ចៀនរបស់នាងជាមួយមិត្តប្រុស លោក Maxx Morando។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើកំរាលព្រំក្រហម នៅរោងមហោស្រព Dolby កាលពីល្ងាចថ្ងៃទី ១ ខែធ្នូ តារាចម្រៀងស្រី Miley Cyrus បានបង្ហាញក្តីស្រលាញ់ជាមួយ Maxx Morando។ នៅពេលខ្លះ តារាចម្រៀងរូបនេះ បានដាក់ដៃរបស់នាងនៅលើទ្រូងមិត្តប្រុសរបស់នាង ដោយចៃដន្យ និងបង្ហាញឲ្យឃើញចិញ្ចៀនពេជ្រភ្លឺចែងចាំង នៅលើម្រាមដៃឆ្វេងរបស់នាង។ តារាចម្រៀងស្រីរូបនេះ ក៏បានបន្ថែមចិញ្ចៀនជាច្រើននៅលើដៃទាំងពីរ ជាមួយនឹងខ្សែកពេជ្រ។

រូបភាពនេះ បានបង្កឱ្យមានការភ្ញាក់ផ្អើលយ៉ាងឆាប់រហ័ស ដោយគិតថានេះអាចជាចិញ្ចៀនភ្ជាប់ពាក្យរបស់ Miley។ គណនីអ្នកគាំទ្រមួយ ថែមទាំងបានបញ្ជាក់ថា មិត្តប្រុសរបស់នាងដែលមានអាយុតិចជាងនាងប្រាំមួយឆ្នាំ បានស្នើសុំនាងរៀបការ ដោយបានបង្ហោះរូបថតជាបន្តបន្ទាប់របស់ Miley ពាក់ចិញ្ចៀននៅពេលដែលនាងចេញទៅញ៉ាំអាហារពេលល្ងាចជាមួយ Maxx កាលពីមុន។ មនុស្សជាច្រើនក៏បានកត់សម្គាល់ផងដែរថា តារាចម្រៀងស្រីរូបនេះ បានពាក់ចិញ្ចៀននេះ តាំងពីពាក់កណ្តាលខែវិច្ឆិកា មុនថ្ងៃខួបកំណើតគម្រប់ ៣៣ ឆ្នាំរបស់នាង។

តែទោះជាយ៉ាងណា បច្ចុប្បន្ននេះ Miley និង Maxx មិនទាន់បានឆ្លើយតបទៅនឹងពាក្យចចាមអារ៉ាម អំពីការភ្ជាប់ពាក្យនៅឡើយទេ។ គួររំឮកផងដែរថា Miley Cyrus និង Maxx Morando បានណាត់ជួបគ្នាតាំងពីឆ្នាំ ២០២១ ហើយបានរក្សាទំនាក់ទំនងរបស់ពួកគេជាឯកជន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ