គូស្នេហ៍ Taylor Swift ចេញមក និយាយ បែបនេះ ពី ទំនាក់ទំនងស្នេហា

កម្សាន្ត៖ លោក Travis Kelce ដែលត្រូវបានគេស្គាល់ថា ជាគូស្នេហ៍របស់ តារាចម្រៀងស្រី Taylor Swift និយាយថា រូបលោក និង Taylor Swift មិនដែលឈ្លោះគ្នាទេ ចាប់តាំងពីពួកគេចាប់ផ្តើមណាត់ជួបគ្នានៅឆ្នាំ ២០២៣។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃទី ៣ ខែធ្នូ ក្នុងវគ្គនៃផតខាស New Heights កីឡាករវ័យ ៣៦ ឆ្នាំរូបនេះ បានបង្ហាញពីជីវិតស្នេហារបស់ខ្លួន ខណៈពេលកំពុងសម្ភាសន៍ជាមួយតារាសម្តែងដែលជាភ្ញៀវ George Clooney។ នៅពេលដែល Travis Kelce សួរ George Clooney អំពីសេចក្តីថ្លែងការណ៍ថ្មីៗរបស់លោក ដោយបានលើកឡើង ថាលោក និងភរិយា មិនដែលឈ្លោះគ្នាក្នុងរយៈពេល ១០ ឆ្នាំនៃអាពាហ៍ពិពាហ៍របស់ពួកគេ ហើយតារាសម្ដែងប្រុសវ័យ ៦៤ ឆ្នាំរូបនេះ បានបញ្ជាក់ ហើយសួរតបវិញថា «ខ្ញុំមិនកុហកទេ ចុះអ្នកវិញ Travis?»។

Travis Kelce ញញឹម ហើយឆ្លើយថា «យើងនៅជាមួយគ្នាបានតែពីរឆ្នាំកន្លះប៉ុណ្ណោះ ប៉ុន្តែវាជាការពិត ខ្ញុំមិនដែលឈ្លោះជាមួយនាងទេ។ មិនដែលសូម្បីម្តងណាឡើយ»។

នៅក្នុងបទសម្ភាសន៍ជាមួយ GQ កាលពីខែសីហា កីឡាកររូបនេះ បានបង្ហាញថា រឿងរ៉ាវស្នេហារបស់លោក ជាមួយ Taylor Swift បានកើតឡើងដោយធម្មជាតិ ហើយវាមានភាពស្រដៀងគ្នានៅក្នុងបុគ្គលិកលក្ខណៈរបស់ពួកគេ ដែលបានជួយពួកគេឱ្យកាន់តែមានភាពជិតស្និទ្ធគ្នា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ