Messi ថាក្រុមទាំងនេះ សុទ្ធតែមានភាគរយខ្ពស់ អាចឈ្នះពាន World Cup 2026

កីឡា៖ កំពូលខ្សែប្រយុទ្ធ Lionel Messi បានជ្រើសរើសប្រទេសចំនួន ៦ ដែលមានឱកាសខ្ពស់ក្នុងការឈ្នះពាន បាល់ទាត់ពិភពលោក ឆ្នាំ២០២៦ ដែលក្នុងនោះក៏មានក្រុមជម្រើសជាតិអាហ្សង់ទីនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រឹត្តិការណ៍បាល់ទាត់ពិភពលោក ឆ្នាំ២០២៦ នេះនឹងប្រព្រឹត្តិទៅចាប់ពីថ្ងៃទី១១ ខែមិថុនា ឆ្នាំ២០២៦ រហូតដល់ថ្ងៃទី១៩ ខែកក្កដា ឆ្នាំ២០២៦ ដែលប្រទេសបីចូលរួមធ្វើជាម្ចាស់ផ្ទះគឺ អាមេរិក ម៉ិកស៉ិក និងកាណាដា។

ក្នុងនោះដែរ Lionel Messi ធ្លាប់បានជួយក្រុមជម្រើសជាតិអាហ្សង់ទីន លើកពានម្ដងហើយ កាលពីព្រឹត្តិការណ៍បាល់ទាត់ពិភពលោក ២០២២ នៅប្រទេស កាតា បន្ទាប់ពីបានយកឈ្នះ ក្រុមជម្រើសជាតិបារាំងនៅវគ្គផ្ដាច់ព្រ័ត្ររួចមក។

យ៉ាងណាមិញ ទោះព្រឹត្តិការណ៍លើកនេះ Messi មិនទាន់បង្ហើបឲ្យដឹងថា រូបគេនឹងបានចូលលេងឬអត់នោះ Messi បានប្រមើលទុកហើយថា ក្រុម៦នេះ សុទ្ធតែមានឱកាសឈ្នះពាន បាល់ទាត់ពិភពលោក៖

"ពិតជាមានក្រុមល្អៗច្រើនណាស់ដូចជា អេស្ប៉ាញ, បារាំង, អង់គ្លេស, ប្រេស៊ីល និងអាល្លឺម៉ង់។ (ប៉ុន្តែអាហ្សង់ទីនក៏ត្រូវរួមបញ្ចូលដែរ) ពួកយើងនឹងខំប្រឹងប្រែង...គ្មានអ្វីត្រូវសង្ស័យនោះទេ។"