លេខពិសេសទៀត! Taylor និងគូស្នេហ៍ សម្រេចរៀបមង្គលការ នៅថ្ងៃទី...

កម្សាន្ត៖ ដូចដែលប្រិយមិត្តដែលចូលចិត្តតាមដានវិស័យកម្សាន្ត បានជ្រាបហើយថា តារាចម្រៀងស្រីល្បីរន្ទឺ Taylor Swift ទើបតែប្រកាសភ្ជាប់ពាក្យជាមួយគូដណ្ដឹង Travis Kelce ជាកីឡាករបាល់ឱប ហើយពេលនេះឮល្ហៀងៗថា ពួកគេបានជ្រើសរើសថ្ងៃមង្គលការរួចហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភពជិតដិត ពិធីមង្គលការដែលត្រូវគេរំពឹងទុកថានឹងរៀបចំឡើងយ៉ាងអធឹកអធមនេះ នឹងធ្វើឡើងនាឆ្នាំក្រោយ នាថ្ងៃទី ១៣ ខែមិថុនា ដែលលេខ១៣ នេះត្រូវបានគេស្គាល់ថាជាលេខសំណាងប្រចាំខ្លួន Taylor Swift ផ្ទាល់ ក៏ជាលេខថ្ងៃកំណើតរបស់នាងផងដែរ។

ចំណែកទីតាំងប្រារព្ធពិធីវិញ ធ្វើឡើងនៅឯរីសត Ocean House ស្ថិតនៅឯ Watch Hill នៅសហរដ្ឋអាមេរិក ដែលជារីសតស្ទាយ៍បែបវិចតូរៀ ស្ថិតនៅឯ Rhode Island ក្បែរៗនឹងផ្ទះវីឡាធំដែល Taylor តែងតែចំណាយពេលជាមួយគូដណ្ដឹង។

Taylor Swift ក៏ត្រូវបានគេរាយការណ៍ថាបានផ្ដល់សំណើទឹកប្រាក់ជាច្រើនទៅដល់គូស្វាមីភរិយាមួយគូដែលគ្រោងនឹងរៀបការនៅទីនោះដែរ ដើម្បីឲ្យពួកគេជ្រើសរើសកន្លែងថ្មី ព្រោះនាងពិតជាចង់រៀបការនៅទីនោះខ្លាំងណាស់៕

ប្រភព៖: harpersbazaar