Jennifer Lopez បង្ហាញភាពស្រស់ស្អាត ពេលចូលរួមកម្មវិធីមួយនេះ

កម្សាន្ត៖ តារាចម្រៀងស្រី Jennifer Lopez បានទាក់ទាញចំណាប់អារម្មណ៍ ជាមួយនឹងការលេងស្ទាយ៍ ពាក់ខ្សែកដ៏ប្រណិត និងគ្រឿងអលង្ការពេជ្រដ៏ភ្លឺចែងចាំងផ្សេងទៀត ពេលចូលរួមនៅក្នុងពិធីមង្គលការរបស់កូនស្រីមហាសេដ្ឋីឥណ្ឌាម្នាក់ នៅចុងខែវិច្ឆិកា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភព Page Six បានឲ្យដឹងថា តារាចម្រៀងស្រី Jennifer Lopez បានទទួលថ្លៃសេវាចំនួន ២ លានដុល្លារ សម្រាប់ការសម្តែងនៅក្នុងពិធីមង្គលការដ៏ប្រណីតនេះ ប៉ុន្តែនាងក៏បានចំណាយប្រាក់យ៉ាងច្រើន ទៅលើគ្រឿងអលង្ការ និងសម្លៀកបំពាក់សម្រាប់ព្រឹត្តិការណ៍នេះផងដែរ ។

ថ្មីៗនេះ ហាងម៉ូដ Manish Malhotra បានចែករំលែករូបថតជាបន្តបន្ទាប់របស់តារាចម្រៀង Jennifer Lopez នៅលើ Instagram ដោយបង្ហាញពីតម្លៃនៃគ្រឿងអលង្ការដ៏មានតម្លៃដែលនាងពាក់។ ចំពោះ ខ្សែក ដែលធ្វើពីត្បូងមរកត ១៦៨ ការ៉ាត់ ពី Manish Malhotra High Jewelry បានចំណាយពេល ១៨០០ ម៉ោងដើម្បីធ្វើវាឡើង។ គ្រឿងអលង្ការនេះ រួមបញ្ចូលគ្នានូវត្បូងមរកតជាពីរពណ៌ផ្សេងគ្នា នៃពណ៌បៃតង ជាមួយនឹងត្បូងតូចៗជាច្រើនដែលហូរចុះមកឆ្អឹងកងរបស់នាង។

តារាចម្រៀងស្រីរូបនេះ ក៏បានបំពេញបន្ថែមរូបរាងដ៏អស្ចារ្យរបស់នាង ជាមួយនឹងក្រវិលដែលត្រូវគ្នា គ្រឿងតុបតែងសក់បែប tikka ខ្សែដៃ និងចិញ្ចៀនពេជ្រ។ នាងបានតុបតែងសក់របស់នាងយ៉ាងស្អាត ដោយបន្លិចឲ្យឃើញក្រវិលធំៗ និងខ្សែក។

ក្នុងវ័យ ៥៦ ឆ្នាំ Jennifer Lopez ក៏បានធ្វើឲ្យមានភាពភ្ញាក់ផ្អើលជាមួយនឹង ឈុតសារីពណ៌ផ្កាឈូកស្រាល តុបតែងដោយគ្រីស្តាល់ភ្លឺចែងចាំង ដែលរចនាដោយ Manish Malhotra ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖