អ្នកនាំពាក្យក្រសួងការពារជាតិ៖ សន្តិភាពមិនអាចកើតឡើងគ្រាន់តែនិយាយប៉ុណ្ណោះទេ តែកើតឡើងតាមរយៈសកម្មភាពជាក់ស្តែង

អ្នកនាំពាក្យក្រសួងការពារជាតិកម្ពុជាបានបញ្ជាក់ប្រាប់ទៅភាគីថៃថាសន្តិភាពមិនអាចកើតឡើងគ្រាន់តែនិយាយប៉ុណ្ណោះទេ តែវាកើតឡើងតាមរយៈសកម្មភាពជាក់ស្តែង ដូច្នេះកងទ័ពថៃអាច ចាប់ផ្តើមជាមួយនឹងការបញ្ឈប់សកម្មភាពឈ្លានពានដែនអធិបតេយ្យភាពកម្ពុជាចាប់ពីពេលនេះតទៅ។លោកជំទាវ ម៉ាលី សុជាតា អ្នកនាំពាក្យក្រសួងការពារជាតិថ្លែងក្នុងសន្នីសិទសារព័ត៌មាននា ព្រឹកថ្ងៃទី១៣ ខែធ្នូ ឆ្នាំ២០២៥ យ៉ាងដូច្នេះថា៖«យោធាថៃត្រូវបង្ហាញភាពស្មោះត្រង់សុឆន្ទៈ និងភាពថ្លៃថ្នូរ ប្រសិនបើថៃពិតជាចង់បានសន្តិភាពពិតប្រាកដមែន ព្រោះថាសន្តិភាពមិនអា ចកើតឡើងតាមរយៈការនិយាយប៉ុណ្ណោះទេ ប៉ុន្តែកើតឡើងតាមរយៈសកម្មភាពជាក់ស្តែង ហើយកងទ័ពថៃអាចផ្តើម បញ្ឈប់នូវសកម្មភាព ខុសច្បាប់ដែលរំលោភកម្ពុជា កន្លងមកនេះ»។

លោកជំទាវអ្នកនាំពាក្យក៏បានលើកឡើងថាកម្ពុជាអំពាវនាវឲ្យថៃវិលត្រឡប់មកវិញគោរពនូវបទឈប់បាញ់ សេចក្តីថ្លែងការណ៍រួម ស្តីពីកិច្ចព្រមព្រៀងសន្តិភាព រវាងកម្ពុជា ថៃ ដែលចុះសហ ត្ថលេខាកាលពីថ្ងៃទី២៦តុលា ឆ្នាំ២០២៥ ក្រោមធ្វើជាការសាក្សី របស់លោកប្រធានាធីបតី សហរដ្ឋអាមេរិក ដូ ណាល់ត្រាំ និង នាយករដ្ឋមន្ត្រីម៉ាឡេស៊ី ជាប្រធានប្តូរវេន។ លោកជំទាវអ្នកនាំពាក្យបន្ថែមថាក្នុងន័យនេះកម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភ បំពានសេចក្តីថ្លែងការណ៍រួមស្តីពីកិច្ចព្រម ព្រៀងសន្តិភាពរវាងកម្ពុជានិងថៃ និងសកម្ម ភាពឧក្រិដ្ឋកម្ម សង្គ្រាមខុសច្បាប់របស់ ថៃម្តងហើយម្តងទៀតនេះ ដោយទាមទារឱ្យ ថៃទទួលខុសត្រូវទាំងស្រុងចំពោះការ រំលោភបំពានដ៏កំរោលនេះ។ កម្ពុជាអំពាវនាវ ឱ្យថៃបញ្ឈប់រាល់អរិភាពជាបន្ទាន់ ដោយដកកម្លាំងចេញ ពីដែនអធិបតេយ្យរបស់កម្ពុជា និងចៀសវាងសកម្មភាពឈ្លានពានដែលគំរាមកំហែងដល់សន្តិភាព និងស្ថិរ ភាពនៅក្នុងតំបន់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកជំទាវបានបន្តបន្ថែមថាកម្ពុជាបញ្ជាក់ជាថ្មីនូវការប្តេជ្ញាចិត្តយ៉ាងខ្ជាប់ខ្ជួនក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀ ងសន្តិភាពរវាងកម្ពុជានិងថៃប្រកបដោយសុច្ឆន្ទៈ និងការទទួល ខុសត្រូវខ្ពស់បំផុត។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើ ប្រាស់កម្លាំងសំដៅស្វែងរកដំណោះស្រាយមួយដែលយុត្តិធម៌ ត្រឹមត្រូវ យូរអង្វែង និងស្របតាមច្បាប់ អន្តរជាតិ។ ជាមួយគ្នានោះដែរលោកជំទាវអ្នកនាំពាក្យបានអះអាងថាក្រសួងការពារជាតិ និងកងយោធពលខេមរភូមិន្ទ សូមគូសបញ្ជាក់ផងដែរថា «គោលដៅនៃការវាយ ការពារខ្លួនរបស់កម្ពុជា គឺផ្តោតលើតែគោលដៅរបស់យោធាថៃតែប៉ុណ្ណោះ មិនមែនសំដៅលើគោលដៅ ជនស៊ីវិល និងទីកន្លែងស៊ីវិលនោះទេ»។ លើសពីនេះកម្ពុជាតែងតែប្រកាន់ខ្ជាប់នូវការគោរព និងអនុវត្តនូវរាល់ កាតព្វកិច្ចទាំងឡាយ នៅក្រោមច្បាប់អន្តរជាតិ ជាពិសេសច្បាប់មនុស្សធម៌អន្តរជាតិយ៉ាងម៉ឺងម៉ាត់ និង ច្បាស់លាស់បំផុត។ លោកជំទាវក៏សូមគូសបញ្ជាក់ផងដែរថា វីរកងទ័ពកម្ពុជាបាននឹងកំ ពុងបន្តឈរជើងយ៉ាងរឹងមាំ ស្វាហាប់ មោះមុត និងនៅតែតស៊ូប្រ យុទ្ធយ៉ាងស្វិតស្វាញតតាំងជាមួយសត្រូវឈ្លានពាន និងប្រុងប្រយ័ត្នខ្ពស់ជានិច្ចក្នុងការ បំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា។

យើងក៏បញ្ជាក់ឡើងវិញនូវសិទ្ធិស្វ័យ ការពារដែនអធិបតេយ្យរបស់យើង ដូចដែលមានចែ ងនៅក្នុងច្បាប់អន្តរជាតិ ដើម្បីការពារបូរណភាពទឹក ដី និងប្រជាជនរបស់យើងទោះក្នុងតម្លៃណាក៏ដោយ។អ្នកនាំពាក្យបានគូសបញ្ជាក់ថា៖« កម្ពុជានឹងមិនចុះចាញ់នឹងការបង្ខិតបង្ខំ ឬការបំភិត បំភ័យទោះក្នុងទម្រង់ណាមួយឡើយ។ សូមប្រជាពលរដ្ឋទាំងអស់បន្តជឿជាក់ និងលើកទឹកចិត្តដល់វីរកងទ័ពដ៏អង់អាចក្លាហានរបស់យើងដែល កំពុងប្រយុទ្ធតស៊ូ យ៉ាងខ្លាំងក្លានៅគ្រប់សមរភូមិទាំងអស់។ រាជរដ្ឋាភិបាល កងទ័ព និងប្រជាជនកម្ពុជារួប រួមគ្នាជាធ្លុងមួយក្នុងការការពារទឹកដី សេចក្តីថ្លៃថ្នូរ និងអធិបតេយ្យភា ពរបស់យើងដោយអង់អាចក្លាហាន និងដោយមិនងាករេជាដាច់ខាតទោះក្នុងតម្លៃ ណាក៏ដោយ៕

ប្រភព៖ ក្រសួងព័ត៌មាន