Jennifer Lopez និង អតីតស្វាមី បានចេញមក ជួបគ្នា ក្នុងកម្មវិធីមួយនេះ

កម្សាន្ត៖ តារាសម្តែង លោក Ben Affleck និងអតីតភរិយាដំបូងរបស់លោក គឺ Jennifer Garner បានជួបជាមួយអតីតភរិយាទីពីរ ដែលជាតារាចម្រៀងស្រី Jennifer Lopez នៅសាលារៀន នៅពេលដែលកូនៗរបស់ពួកគេ បានសម្តែងជាមួយគ្នា កាលពីចុងសប្តាហ៍មុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្តែង លោក Ben Affleck បានបង្ហាញខ្លួនជាមួយតារាសម្តែង Jennifer Garner និងកូនប្រុសពៅរបស់ពួកគេ Samuel ។ យោងតាមកាសែត Daily Mail តារាសម្តែងរូបនេះ បានបើកឡានជូនអតីតភរិយា និងកូនប្រុស ទៅមើលកូនស្រីរបស់ខ្លួន គឺ Seraphina ដែលបានចូលរួមសម្តែង។ ទន្ទឹមនឹងនេះ Jennifer Lopez ក៏បានមកជាមួយម្តាយរបស់នាង Guadalupe Rodríguez និងអ្នកគ្រប់គ្រង Benny Medina ដើម្បីគាំទ្រកូនស្រីរបស់នាង Emme។

រូបថតដែលថតនៅខាងក្រៅព្រឹត្តិការណ៍ បានបង្ហាញថា Ben Affleck ឈរនៅជិត Jennifer Lopez ប៉ុន្តែអ្នកទាំងពីរមិនបានប្រាស្រ័យទាក់ទងគ្នាទេ ផ្ទុយទៅវិញ បានជជែកគ្នាយ៉ាងសប្បាយរីករាយជាមួយឪពុកម្តាយដទៃទៀត។ ទោះជាយ៉ាងណាក៏ដោយ Samuel បានរត់ឡើងជជែកគ្នាដោយរំភើបជាមួយ អតីតម្ដាយចុង របស់ខ្លួន  Jennifer Lopez ។ វាមិនច្បាស់ទេ ថាតើអតីតគូស្វាមីភរិយាទាំងពីរ បានស្វាគមន៍គ្នាទៅវិញទៅមក នៅពេលដែលពួកគេបានជួបគ្នា នៅក្នុងសាលប្រជុំឬអត់។

Ben Affleck និង Jennifer Lopez បានជួបគ្នាតែនៅក្នុងខែតុលា នៅឯការចាក់បញ្ចាំងលើកដំបូងនៃខ្សែភាពយន្ត Kiss of the Spider Woman នៅទីក្រុងញូវយ៉ក។ អ្នកទាំងពីរ បានចូលរួមដើម្បីផ្សព្វផ្សាយខ្សែភាពយន្តតន្ត្រីដែលពួកគេបានសហការគ្នា ខណៈពេលដែលពួកគេនៅជាប្ដីប្រពន្ធនឹងគ្នា ។ នៅក្នុងព្រឹត្តិការណ៍នោះដែរ តារាទាំងពីរបានឱបគ្នា និងថតរូបជាមួយគ្នា ហើយពួកគេក៏បានសរសើរគ្នាទៅវិញទៅមក នៅចំពោះមុខសារព័ត៌មានផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ