រូបភាពថ្មី Katy Perry ចេញមកកម្សាន្ត​ ជាមួយ គូស្នេហ៍ យ៉ាងផ្អែមល្ហែម

កម្សាន្ត៖ តារាចម្រៀងស្រី Katy Perry បានបង្ហោះរូបថតដ៏ស្និទ្ធស្នាលជាមួយមិត្តប្រុសរបស់នាង ដែលត្រូវបានគេស្គាល់ថា ជាអតីតនាយករដ្ឋមន្ត្រីកាណាដា លោក Justin Trudeau ក្នុងអំឡុងពេលវិស្សមកាលឆ្នាំថ្មីរបស់ពួកគេ ដែលបានទាក់ទាញចំណាប់អារម្មណ៍ពីអ្នកគាំទ្រជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងការបង្ហោះនៅលើ Instagram នៅល្ងាចថ្ងៃទី ៧ ខែមករា ដែលមានចំណងជើងថា «ថ្ងៃឈប់សម្រាកដ៏រំជួលចិត្ត» តារាចម្រៀងស្រី Katy Perry បានបង្ហាញពីពេលវេលាជាច្រើនជាមួយក្រុមគ្រួសារ និងមនុស្សជាទីស្រលាញ់របស់នាងក្នុងរយៈពេលប៉ុន្មានថ្ងៃកន្លងមកនេះ។ ជាពិសេស នៅក្នុងរូបថតមួយសន្លឹក បានបង្ហាញពីសកម្មភាព តារាចម្រៀងស្រីរូបនេះកំពុងផ្អៀងទៅថើបថ្ពាល់ លោក Justin Trudeau ខណៈពេលដែលរូបលោកឱបចង្កេះរបស់នាង ហើយញញឹមយ៉ាងស្រស់ស្រាយ។

គួររំឮកផងដែរថា តារាចម្រៀងស្រី Katy Perry បានចាប់ផ្តើមទំនាក់ទំនងរបស់នាង​ ជាមួយនឹងអតីតនាយករដ្ឋមន្ត្រីកាណាដានៅរដូវក្តៅ ត្រឹមតែប៉ុន្មានខែបន្ទាប់ពី បែកបាក់ជាមួយ អតីតគូស្នេហ៍ លោក Orlando Bloom។ តារាចម្រៀងស្រីរូបនេះ និងគូស្នេហ៍ថ្មី បានបញ្ជាក់ជាសាធារណៈអំពីទំនាក់ទំនងស្នេហារបស់ពួកគេ នៅក្នុងខែតុលា នៅពេលដែលពួកគេត្រូវបានគេឃើញកាន់ដៃគ្នា នៅឯរោងមហោស្រពមួយ ក្នុងទីក្រុងប៉ារីសសម្រាប់ថ្ងៃខួបកំណើតរបស់ Katy។

នៅថ្ងៃទី ៨ ខែធ្នូ Katy Perry បានបញ្ជាក់ជាផ្លូវការអំពីទំនាក់ទំនងនេះ នៅលើ Instagram ដោយបង្ហោះរូបថត Selfie របស់នាង ដែលផ្អៀងក្បាលរបស់នាង នៅលើស្មាមិត្តប្រុស បង្ហាញស្នាមញញឹមកណ្តាលទេសភាពរដូវស្លឹកឈើជ្រុះដ៏រស់រវើក៕

ប្រភព៖​ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ