Ronaldo បង្ហាញសកម្មភាពមួយនេះ ជាមួយ កូនស្រី ហ្វេនៗសរសើរ គ្រប់គ្នា

កម្សាន្ត៖ កំពូលកីឡាករបាល់ទាត់ លោក Cristiano Ronaldo បានធ្វើឲ្យអ្នកគាំទ្ររំជួលចិត្តយ៉ាងខ្លាំង នៅពេលដែលរូបលោក បង្ហាញសកម្មភាព ចងសក់ឲ្យកូនស្រីពៅរបស់លោក ឈ្មោះ Bella នៅផ្ទះយ៉ាងប៉ិនប្រសប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងវីដេអូមួយដែលចែករំលែកដោយគូដណ្តឹងរបស់លោក Georgina Rodríguez នៅលើ Instagram Story បានឲ្យបង្ហាញឲ្យឃើញថា កីឡាករបាល់ទាត់ លោក Ronaldo បានចងសក់កូនស្រីរបស់លោកដោយអត់ធ្មត់ និងទន់ភ្លន់។ ខណៈអង្គុយយ៉ាងស្រួលនៅលើភ្លៅឪពុក Bella ហាក់ដូចជាសម្រាក និងទុកចិត្តទាំងស្រុង ដែលអនុញ្ញាតឱ្យឪពុករបស់ខ្លួនចងសក់របស់នាង យ៉ាងប៉ិនប្រសប់។

បន្ទាប់ពីបញ្ចប់ កីឡាករបាល់ទាត់វ័យ ៤០ ឆ្នាំរូបនេះ បានកោតសរសើរចំពោះ "ស្នាដៃដ៏អស្ចារ្យ" របស់ខ្លួន ខណៈមុខរបស់លោក បង្ហាញស្នាមញញឹមដោយក្តីរីករាយ។ Georgina បានដាក់ចំណងជើងវីដេអូថា «រីករាយនឹងពេលវេលាជាមួយប៉ា»។

វីដេអូនេះត្រូវបានបង្ហោះឡើងវិញ នៅពេលក្រោយ ដោយគេហទំព័រព័ត៌មាន Hola! ដែលទាក់ទាញការចូលចិត្ត និងមតិយោបល់រាប់ពាន់យ៉ាងឆាប់រហ័ស។ ហ្វេនៗជាច្រើនក៏បានសរសើរទឹកដៃដ៏ប៉ិនប្រសប់របស់ Ronaldo ហើយមានការរីករាយជាមួយនឹងរូបភាពដ៏មានក្ដីសុខ របស់ឪពុកនិងកូនស្រី ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ