Romano ថា Man UTD កំពុងចរចាយកអតីតកីឡាករខ្លួនរូបនេះ មកដឹកនាំក្លិប បន្តពី Amorim

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបបិសាចក្រហម Manchester United បាននឹងកំពុងបើកការចរចាយ៉ាងវិជ្ជមាន ជាមួយនឹងលោក Michael Carrick ដែលធ្លាប់ជាជំនួយការរបស់លោក Ole Gunnar Solskjaer ឲ្យមកដឹកនាំក្រុម បន្តពី Ruben Amorim។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Michael Carrick ធ្លាប់ធ្វើការជាគ្រូបង្វឹកបណ្ដោះអាសន្នរបស់ក្រុមបិសាចក្រហមកាលពីខែវិច្ឆិកា ឆ្នាំ២០២១ បន្ទាប់ពីលោក Ole Gunnar Solskjaer ត្រូវបណ្ដេញចេញពីតំណែង ដែលរូបគេក៏ជាអតីតកីឡាកររបស់ Manchester United ផងដែរ។

ឥឡូវនេះ Manchester United បាននឹងកំពុងចរចាផ្លែផ្កាយ៉ាងវិជ្ជមានជាមួយ Carrick ខណៈដែល Ole Gunnar Solskajaer ក៏ក្លិបបាននឹងកំពុងចរចាដែរ តែ Romano ថាក្លិបទំនងជាចាប់អារម្មណ៍លើ Carrick ជាងគ្រូចាស់ Solskjaer  ខណៈដែល Michael Carrick ពេញចិត្តនឹងដឹកនាំក្រុមនេះផងដែរ។

ខណៈនោះ Manchester United គ្រោងនឹងបង្ហាញមុខគ្រូបង្វឹកបណ្ដោះអាសន្ននារយៈពេល ២៤ ទៅ ៤៨ ម៉ោងខាងមុខនេះហើយ៕