មុនចាកចេញ Alonso បោះពាក្យប៉ុន្មានម៉ាត់ទៅ R.Madrid ឮហើយចត់បាយ

កីឡា៖ កាលពីយប់ថ្ងៃទី១២ ខែមករាកន្លងទីនេះ ក្លិប Real Madrid បានប្រកាសចែកផ្លូវជាមួយគ្រូបង្វឹកវ័យក្មេង លោក Xabi Alonso បន្ទាប់ពីលោកដឹកនាំបានត្រឹមតែ៧ខែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការបញ្ចប់តំណែងនេះបានធ្វើឡើង ក្រោយ Real Madrid បានចាញ់យ៉ាងអាម៉ាស់ក្រោមថ្វីជើង ក្រុមគូប្រជែង Barcelona របូតពាន Spanish Super Cup ចេញពីដៃ ខណៈដែលក្នុងការប្រកួតនេះដែរ គេសង្កេតឃើញថា Xabi Alonso ហាក់គ្មានឥទ្ធិពលលើកីឡាករទាល់តែសោះ បែរជាឲ្យកីឡាករបញ្ជាបានទៅវិញ ដោយក្រោយចប់ការប្រកួត ហើយ Barcelona លើកពាន លោកបានឲ្យកូនក្រុមទៅឈរអបអរជាជួរ តែ Kylian Mbappe បានធ្វើសញ្ជាឲ្យមិត្តរួមក្រុមចូលទៅខាងក្នុងទៅវិញ។

ឥឡូវនេះ ក្រោយបញ្ចប់តំណែងលោក Xabi Alonso ហើយ លោកបានបោះសម្ដីប៉ុន្មានម៉ាត់ផ្ញើទៅកាន់ Real Madrid ថា៖

"អ្នកមិនអាចឲ្យសិទ្ធិអំណាចខ្លាំងបែបនេះ ទៅកីឡាករនោះឡើយ។ វាមិនអាចទៅរួចទេ ដែលគ្រូបង្វឹកគ្រប់គ្រងទៅលើក្រុម បើសិនជាក្លិបតែងតែឈរខាងកីឡាករអ៊ីចឹងនោះ!"