ផ្លូវការ! Manchester United ប្រកាសតែងតាំងម្នាក់នេះ ជាគ្រូបង្វឹក

កីឡា៖ យោងតាមការចុះផ្សាយរបស់អ្នកកាសែត Fabrizio Romano និងប្រភពប្រកាសពីក្លិបបិសាចក្រហម Manchester United ផ្ទាល់គឺ ក្លិបបានតែងតាំង លោក Michael Carrick ជាគ្រូបង្វឹកបណ្ដោះអាសន្នរយៈពេលខ្លី ជាផ្លូវការហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Carrick នឹងដឹកនាំក្រុមបិសាចក្រហម ចាប់ពីពេលនេះ រហូតដល់ចប់រដូវកាលផងដែរ ដែលជាការដឹកនាំរយៈពេលខ្លីទម្រាំរកគ្រូបង្វឹកអចិន្ត្រៃយ៍មកជំនួសបាន។

លោក Carrick ធ្លាប់ធ្វើការជាក្រុមគ្រូបង្វឹកជំនួយ កាលលោក Ole Gunnar Solskjaer នៅដឹកនាំ Manchester United ដោយបន្ទាប់ពី Solskjaer ត្រូវបណ្ដេញចេញ លោកបានដឹកនាំ Manchester United បណ្ដោះអាសន្នផងដែរ។

ឥឡូវនេះ អតីតកីឡាករ Manchester United រូបនេះបានចូលខ្លួនមកដឹកនាំ Manchester United ដោយលោកបាននិយាយថា លោកស្រលាញ់ក្លិបបិសាចក្រហមខ្លាំងណាស់៕