ចៀវៃ និយាយ បែបនេះ ពីទំនាក់ទំនង នាង និង ស្វាមី

កម្សាន្ត៖ តារាសម្តែងស្រី Ruby Lin បានទាក់ទាញចំណាប់អារម្មណ៍ នៅពេលដែលបានបង្ហាញថា ស្វាមីរបស់នាង ដែលជាតារាសម្តែង លោក Wallace Huo គឺជាមនុស្សសាមញ្ញ និងរួសរាយរាក់ទាក់ណាស់ នៅពេលនិយាយគ្នាអំពីអាហារប្រចាំថ្ងៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី ១៣ ខែមករា កន្លងទៅនេះ ខណៈពេលកំពុងចូលរួមព្រឹត្តិការណ៍មួយ ហើយត្រូវបានគេសួរអំពីការចម្អិនអាហារសម្រាប់ថ្ងៃកំណើតរបស់ស្វាមីនាង តារាសម្ដែងស្រី Ruby Lin បាននិយាយថានាងបានធ្វើសាច់ជ្រូកចំហុយ និងសាច់មាន់ចៀន ដែលស្វាមីរបស់នាងចូលចិត្ត ព្រោះរូបលោកមិនចង់ញ៉ាំនៅខាងក្រៅនៅថ្ងៃនោះ។ បន្ទាប់ពីភ្លក់វា Wallace Huo បានសរសើរអាហារនោះដោយក្តីរីករាយ។ 

នៅពេលដែលអ្នកយកព័ត៌មាន បានសួរដោយលេងសើច ថាតើស្វាមីរបស់នាងនឹងតបស្នងវិញដោយចម្អិនអាហារឆ្ងាញ់ៗសម្រាប់ថ្ងៃកំណើតរបស់នាងនាពេលខាងមុខដែរឬទេ Ruby Lin បានបង្ហាញថា ស្វាមីរបស់នាងមិនដែលបង្ហាញជំនាញចម្អិនអាហាររបស់ខ្លួនទេ ចាប់តាំងពីពួកគេរៀបការមក ដោយដឹងតែពីរបៀបចម្អិនគាវ និងមីកញ្ចប់ ហើយថែមទាំងមិនអាចចម្អិនម្ហូបសាមញ្ញៗទៀតផង។ ទោះជាយ៉ាងណាក៏ដោយ នាងបានសង្កត់ធ្ងន់ថា «គាត់មិនចាំបាច់ចម្អិនទេ និង គ្រាន់តែចាក់ទឹកឱ្យខ្ញុំ បានហើយ»។ នាងបានអត្ថាធិប្បាយថា ស្វាមីរបស់នាង រួសរាយរាក់ទាក់ណាស់ នៅពេលនិយាយអំពីអាហារ។ នាង​បាន​បង្ហាញទៀតថា ម្ហូប​ដែល​ស្វាមីនាង​ចូលចិត្ត​ជាងគេ​ គឺ​សាច់ជ្រូក​ហាន់​ចម្អិន​ជាមួយ​តៅហ៊ូ និង​ស៊ុត​ចៀន​ជាមួយ​ប៉េងប៉ោះ ដែល​ជា​ម្ហូប​ដែល​លោក​អាច​ញ៉ាំ​បាន​យូរ​ដោយ​មិន​ធុញទ្រាន់។ 

ទាក់ទង​នឹង​ផែនការ​ខួបកំណើត​របស់​តារាស្រីរូបនេះ នាង បាន​និយាយ​លេង​ថា «គ្មាន​អ្នកណា​អញ្ជើញ​ខ្ញុំ​ទេ!» នាង​បានសើច ដោយ​និយាយ​ថា គ្រួសារ​ដែល​មាន​សមាជិក​បី​នាក់​រវល់​ពេញ​មួយ​ឆ្នាំ ដោយ​ប្រារព្ធ​ខួបកំណើត​របស់ Wallace Huo បន្ទាប់មក ​កូនស្រី ហើយ​ទីបំផុត គឺ​ដល់​វេនរបស់​នាង។ នាង​បាន​និយាយ​ថា «ខ្ញុំ​ធ្លាប់​ចូលចិត្ត​ប្រារព្ធ​ខួបកំណើត ប៉ុន្តែ​បន្ទាប់​ពី​មាន​កូន ខ្ញុំ​លែង​ចាប់អារម្មណ៍​ទៀត​ហើយ។ ឥឡូវនេះ ភាគច្រើនខ្ញុំ​​គ្រាន់តែ​ជួបជុំ​ជាមួយ​សាច់ញាតិ និង​មិត្តភក្តិ ហើយ​ញ៉ាំ​អាហារ​នៅ​ជិត​ផ្ទះ។ ពេលខ្លះ​ស្វាមី​ខ្ញុំ​បានរៀបចំ​វា​ឲ្យ​ខ្ញុំ»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន