ខណៈនេះ គ្មានឪពុកម្ដាយមករកក្មួយប្រុស៥ឆ្នាំ ដែលត្រូវក្មេងគ្នាឯងដុតទាំងរស់នៅឡើយទេ

ភ្នំពេញ៖ កាលពីយប់ថ្ងៃទី១៥ ខែមករាកន្លងទៅនេះ មានករណីក្មេងៗគ្នាឯងធ្វើការដុតទៅលើក្មេងប្រុសម្នាក់អាយុ៥ឆ្នាំបណ្ដាលឲ្យរងរបួសធ្ងន់ ត្រូវបានពលរដ្ឋដែលឃើញហេតុការណ៍ជួយសង្គ្រោះបញ្ចូនទៅមន្ទីពេទ្យសង្គ្រោះទាន់ពេលវេលា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាំងពីយប់កើតហេតុរហូតមកទល់ពេលនេះ ថ្ងៃទី១៧ ខែមករា ២០២៦ ក្មួយប្រុសនៅមិនទាន់មានឪពុកម្ដាយឬសាច់ញាតិមករកនៅឡើយនោះទេ ក្រុមគ្រូពេទ្យបានជួយសង្គ្រោះ និងជួលម៉ែដោះម្នាក់ដើម្បីមើលថែក្មួយរួចរាល់ហើយ ដើម្បីរងចាំឪពុកម្ដាយមករក។

នៅថ្ងៃកើតហេតុ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានបញ្ជាទៅលោកអធិការនគរបាលខណ្ឌ៧មករា ចុះស្រាវជ្រាវជាបន្ទាន់ គឺនៅថ្ងៃទី១៥ ខែមករា ឆ្នាំ២០២៦ វេលាម៉ោង7:30 នាទីយប់ នៅចំណុចជិតហ្គារ៉ាសសាំងតេលាខ្មែរស្តុបអាងទឹក មានករណីក្មេងៗចំនួន០៣នាក់បានដុតភ្លើងលេងសង្ស័យដុតអាល់កុលរហូតធ្វើឲ្យឆាបឆេះជើងខោក្មេងម្នាក់ទៀតរងរបួស៣០% ។

បន្ទាប់មកត្រូវបានប្រជាពលរដ្ឋនាំយកក្មេងរងគ្រោះទៅសម្រាកព្យាបាលនៅមន្ទីពេទ្យគន្ធបុប្ផាវត្តភ្នំ។ បច្ចុប្បន្នសមត្ថកិច្ចកំពុងស្វែងរកអណាព្យាបាលក្មេងរងគ្រោះ។

ដោយឡែកអ្វីដែលសំខានើនៅពេលនេះគឺយើងត្រូវស្វែងរកសាច់ញាតិក្មួយប្រុសដែលកំពុងសម្រាកព្យាបាលរលាកពេញខ្លួននៅឯមន្ទីពេទ្យគន្ធបុប្ផា វត្តភ្នំ ក្រុងភ្នំពេញ។ សូមទំនាក់ទំនងមកកាន់លេខទូរស័ព្ទ 092 400 322 បើសុនជាមានដំណឹងពីសាច់ញាតិ ឬចង់ផ្ដល់ជាជំនួយដល់ក្មួយប្រុស៕

អត្ថបទដោយ៖ Min