កីឡាករ Barca រូបនេះនឹងចាកចេញពីក្លិប សង្ស័យទៅចូលរួមជាមួយ PSG

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា កីឡាករ Dro (Pedro Fernandez) នឹងចាកចេញពីក្លិប Barcelona នៅខែមករានេះហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខ្សែបម្រើវ័យ១៨ឆ្នាំរូបនេះបានជូនដំណឹងទៅថ្នាក់លើថាគេចង់ចាកចេញ ដើម្បីមាននាទីលេងបានច្រើនជាងនេះ យោងតាមការផ្សាយពី Diario Sports ខណៈដែល ក្លិបថ្មីរបស់គេនឹងទិញយកគេក្នុងតម្លៃត្រឹមតែ៦លានអឺរ៉ូ (ស្មើនឹងប្រមាណ៧លានដុល្លារ)។

យោងតាមប្រភពដដែលបានបញ្ជាក់ថា Dro បានប្រាប់ទៅមិត្តរួមក្រុមរបស់គេថាគេទំនងជាចូលរួមជាមួយក្លិបអ្នកមាន Paris Saint-Germain ។ គួរបញ្ជាក់ផងដែរថា Dro ជាកីឡាករចេញពីថ្នាលយុវជន La Masia  ដោយបានបង្ហាញមុខនៅឈុតធំ នារដូវកាល ២០២៥-២០២៦ ៕