តារា Real Madrid រូបនេះ បង្ហើបៗថារូបគេមានបំណង ចាកចេញពីក្លិបហើយ

កីឡា៖ ខ្សែប្រយុទ្ធ Vinicius Junior បានបង្ហើបឲ្យដឹងថា រូបគេមិនចង់បន្តលេងនៅទីកន្លែងណាក៏ដោយ ដែលមិនស្វាគមន៍គេនោះឡើយ ដែលដូចជាការផ្ញើសារមួយជូនទៅកាន់ក្លិប Real Madrid អ៊ីចឹង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាមួយរយៈចុងក្រោយនេះ កីឡាករសញ្ជាតិប្រេស៊ីលរូបនេះ កំពុងប្រឈមនឹងស្ថានភាពដ៏លំបាកនៅក្លិប បន្ទាប់ពីអ្នកគាំទ្របានរិះគន់និងសើចចំអកដល់រូបគេ ជាពិសេសបន្ទាប់ពី Real Madrid បានចាញ់ក្រុមគ្រូប្រជែងយូរឆ្នាំ Barcelona របូតពាន Spanish Super Cup ពីដៃ។

ខណៈនេះដែរ Vinicius Junior នៅសល់កុងត្រាស្នាក់នៅទឹកដី Santiago Bernabeu រយៈពេលមិនដល់១៨ខែទៀតទេ ធ្វើឲ្យអនាគតរបស់គេជាមួយ Real Madrid ពិតជាស្រពេចស្រពិលណាស់។

សារព័ត៌មាន Sports បានចុះផ្សាយថា Vinicius Jr. ក៏បានប្រាប់ទៅមិត្តជិតស្និទ្ធរបស់គេនាពេលថ្មីៗនេះថា គេមិនចង់លេងនៅទីកន្លែងណាដែលអ្នកគាំទ្រមិនចង់បានគេនោះទេ ដែលនេះ ទំនងជាសញ្ញាមួយបញ្ជាក់ថា រូបគេកំពុងគិតចង់ផ្លាស់ចេញពី Real Madrid ៕