ដឹងដំណឹងអំពីសាច់ញាតិក្មួយប្រុស វ័យ៥ឆ្នាំ រងគ្រោះដោយសារភ្លើងឆេះខ្លួនហើយ

ភ្នំពេញ៖  យោងតាមសារបង្ហោះរបស់គណនីហ្វេសប៊ុក Mengheang Thorn បានឲ្យដឹងថា ក្មេងប្រុស គឺជាក្មេងតែលតោល រីឯឪពុកម្ដាយជាប់ឃុំអស់ហើយ សាច់ញាតិក៏មិនដឹងនៅឯណា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា នៅថ្ងៃទី១៥ ខែមករា ឆ្នាំ២០២៦ វេលាម៉ោង7:30 នាទីយប់ នៅចំណុចជិតហ្គារ៉ាសសាំងតេលាខ្មែរស្តុបអាងទឹក មានករណីក្មេងៗចំនួន០៣នាក់បានដុតភ្លើងលេងសង្ស័យដុតអាល់កុលរហូតធ្វើឲ្យឆាបឆេះជើងខោក្មេងម្នាក់ទៀតរងរបួស៣០% ។

បន្ទាប់មកត្រូវបានប្រជាពលរដ្ឋនាំយកក្មេងរងគ្រោះទៅសម្រាកព្យាបាលនៅមន្ទីពេទ្យគន្ធបុប្ផាវត្តភ្នំ។បច្ចុប្បន្នសមត្ថកិច្ចកំពុងស្វែងរកអណាព្យាបាលក្មេងរងគ្រោះ។

អស់រយៈពេល៤ថ្ងៃហើយនៅមិនទាន់ដឹងដំណឹងគ្រួសាររបស់ក្មេងប្រុសរងគ្រោះ ប៉ុន្ដែមានអ្នកចេញមុខអះអាងតាមរយៈខមិនមួយបានសរសេរថា មុនថ្ងៃកើតហេតុ ក្មេងប្រុសរូបនេះ បានទៅគេងលេងនៅផ្ទះខ្លួន (គណនីហ្វេសប៊ុក សូត្រ នាង) ហើយបានឲ្យនំចំណីបរិភោគ ព្រោះគ្នាតែលតោលគ្មានលុយកាក់ជាប់ខ្លួននោះទេ លុះដល់គេងបានមួយយប់នោះហើយក៏ចាកចេញ។

ស្រាប់តែថ្ងៃទី១៥ នេះ ខ្លួនបានប្រទះឃើញតាមរយៈព័ត៌មានថា ក្មេងប្រុសរូបនេះជួបគ្រោះថ្នាក់ភ្លើងឆេះទៅហើយ ប្អូនស្រី សូត្រ នាងក៏មិនដឹងដែរថា សាច់ញាតិរបស់ក្មេងប្រុសរងគ្រោះនៅឯណា។

បច្ចុប្បន្នក្មេងប្រុសកំពុងតែសម្រាកព្យាបាលនៅមន្ទីពេទ្យគន្ធបុប្ផាវត្តភ្នំ ដោយមិនមានសាច់ញាតិណាមកមើលថែនោះឡើយ ខាថមន្ទីពេទ្យបានជួលម៉ែដោះឲ្យមើលថែបណ្ដោះអាសន្ន សង្ឃឹមថានឹងរកដំណោះស្រាយឃើញឆាប់ៗ៕

ប្រភព៖ Mengheang Thorn

អត្ថបទដោយ៖ Min