ចាញ់ Real Sociedad យប់មិញ លោក Flick រករឿងអាជ្ញាកណ្ដាលចំៗបែបនេះ

កីឡា៖ កាលពីយប់ថ្ងៃទី១៩ ខែមករា កន្លងទៅនេះ Barcelona បានធ្វើដំណើរទៅប្រកួតជាមួយក្រុមម្ចាស់ផ្ទះ Real Sociedad ក្នុងការប្រកួត La Liga ប៉ុន្តែបានត្រឹមភាពខកចិត្តត្រឡប់មកវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចប់ការប្រកួត ភាគីរបស់លោក Hansi Flick បានចាញ់ក្រុម Real Sociedad ២ ទល់នឹង១ ដោយខាង Barcelona រកគ្រាប់បាល់បានតែ១គត់គឺ Marcus Rashford ជាអ្នកស៊ុតបញ្ចូលទីនៅនាទីទី៧០ ខណៈខាង Real Sociedad ស៊ុតបាន២គ្រាប់ដោយ M. Oyarzabal នៅនាទីទី៣២ និងGonçalo Guedes នៅនាទីទី៧១។

បរាជ័យនេះបានធ្វើឲ្យ Barca របូត៣ពិន្ទុពីដៃបាត់ទៅហើយ ខណៈដែលបច្ចុប្បន្ន Barcelona ឈរនៅ កំពូលតារាង តែនាំមុខ Real Madrid តែ១ពិន្ទុប៉ុណ្ណោះគឺ ៤៩ពិន្ទុ។

យ៉ាងណាមិញ ក្រោយចប់ការប្រកួត លោក Hansi Flick បានត្អូញត្អែពីអាជ្ញាកណ្ដាល Gil Manzano ថា៖

"La Liga មានអាជ្ញាកណ្ដាលល្អៗច្រើនណាស់ ខុសតែម្នាក់នេះទេ។ គ្រប់គ្នាដឹងហើយថាគេយ៉ាងម៉េច គ្រប់គ្នាមើលឃើញពីទង្វើរបស់គេ។ Frenkie និយាយថាគេឫកណាស់ ហើយ Frenkie ពិតជានិយាយត្រូវ។ គេជាអាជ្ញាកណ្ដាលដែលធ្វើបែបនេះលើពួកយើងកាលពីរដូវកាលមុន មែនទេ? នៅក្នុងបន្ទប់ VAR ដែរ? ធ្វើការងារបានល្អណាស់!"