Leonardo និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ តារាសម្តែង Leonardo DiCaprio ត្រូវបានមិត្តស្រីរបស់លោក ឈ្មោះ Vittoria Ceretti ដែលមានវ័យតិចជាងលោក ២៣ ឆ្នាំ បានជួយជ្រើសរើសសម្លៀកបំពាក់ឲ្យលោក ក្នុងអំឡុងពេលដើរទិញឥវ៉ាន់នៅ Soho ទីក្រុងញូវយ៉ក កាលពីចុងសប្តាហ៍មុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាសម្ដែងប្រុសរូបនេះ និង គូស្នេហ៍ ត្រូវបានគេប្រទះឃើញកំពុងទិញសម្លៀកបំពាក់នៅតាមហាងលក់សម្លៀកបំពាក់លំដាប់ខ្ពស់ជាច្រើន ខណៈពេញមួយដំណើរទិញទំនិញ Vittoria Ceretti បានដើរតួជាអ្នករៀបចំម៉ូដផ្ទាល់ខ្លួន របស់មិត្តប្រុសរបស់នាង ដោយតាមដាន និងផ្តល់ដំបូន្មានយ៉ាងដិតដល់ អំពីជម្រើសសម្លៀកបំពាក់របស់លោក។

Leonardo DiCaprio ត្រូវបានគេរាយការណ៍ថា កំពុងទិញសម្លៀកបំពាក់សម្រាប់ព្រឹត្តិការណ៍មួយ ក្នុងរដូវកាលប្រគល់រង្វាន់ឆ្នាំនេះ ខណៈដែលរូបលោក បានទទួលការតែងតាំងជាច្រើនសម្រាប់តួនាទីនាំមុខគេ នៅក្នុងរឿង «One Battle After Another»។

មិត្តស្រីរបស់ Leonardo គឺជាតារាម៉ូដែលអ៊ីតាលី ដែលមានអារម្មណ៍ និងការលេងម៉ូដយ៉ាងទាន់សម័យ និងប្លែកភ្នែក។ ដូច្នេះ វាមិនមែនជារឿងគួរឱ្យភ្ញាក់ផ្អើលទេ ដែលតារាសម្តែងរូបនេះទទួលបានដំបូន្មានម៉ូដ ពីនាងជាញឹកញាប់។ តារាសម្តែងប្រុសរូបនេះ បានសាកល្បងសម្លៀកបំពាក់ជាច្រើន ចាប់តាំងពី អាវរហូតដល់ឈុត អាវធំ និងស្បែកជើង ខណៈពេលដែលមិត្តស្រីរបស់ខ្លួន បានមើល និងផ្តល់យោបល់ដល់លោក ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ